Geri

FHN-in Cənub Regional Mərkəzi maarifləndirmə tədbirləri keçirib

Fövqəladə Hallar Nazirliyinin Cənub Regional Mərkəzi 30 yanvar 2020-ci il tarixində nazirliyin regionda fəaliyyət göstərən digər qurumları ilə birgə Masallı şəhər “Dəfinə” məktəb-liseyində “Fövqəladə hallarla bağlı davranış qaydaları” mövzusunda, Masallı rayonu Ərkivan qəsəbə 1 nömrəli tam orta məktəbində isə “Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə tədbirləri keçirib.

Tədbirlərdə FHN-in Cənub Regional Mərkəzinin, DYNX-nin Cənub regional Dövlət Yanğın Nəzarəti İdarəsinin, Masallı rayon Təhsil şöbəsinin əməkdaşları və təhsil müəssisələrinin kollektivi iştirak edib.

Toplantılarda təbii və texnogen xarakterli fövqəladə hadisələr zamanı düzgün davranış, ilkin yanğınsöndürmə avadanlıqları və fərdi mühafizə vasitələrindən istifadə qaydalarına dair məruzələr edilib, dəm qazı təhlükəsinin qarşısının alınması yolları barədə, eyni zamanda “112” qaynar xətti” haqqında məlumat verilib, mövzulara dair fotoslaydlar nümayiş olunub.

Daha sonra təhsil müəssisələrinin təxliyyə planlarının düzgün hazırlanmasının, yanğın və texniki təhlükəsizlik tədbirlərinə əməl edilməsinə nəzarətin artırılmasının, ehtiyat çıxış qapılarının və zirzəmilərin daim istifadəyə yararlı vəziyyətdə saxlanılmasının, ilkin yanğınsöndürmə vasitələri ilə təchiz olunmasının vacibliyi diqqətə çatdırılıb.

Sonda tədbir iştirakçılarına fövqəladə hallarla bağlı müxtəlif mövzularda hazırlanmış maarifləndirci videoçarxlar nümayiş olunub.

Digər məlumatlar

Azərbaycan Respublikası Fövqəladə Hallar Nazirliyi işçiləri Həmkarlar İttifaqı 8 mart - Beynəlxalq Qadınlar Günü münasibətilə videokonfrans formatında tədbir keçirib

8 mart - Beynəlxalq Qadınlar Günü münasibətilə Fövqəladə Hallar Nazirliyi işçiləri Həmkarlar İttifaqı tərəfindən videokonfrans formatında tədbir keçirilib. ...

Ardını oxu

FHN-in Şimal-qərb Regional Mərkəzi 1 mart –Ümumdünya Mülki Müdafiə Günü” münasibətilə tədbir keçirib

1 mart 2021-ci il tarixində Fövqəladə Hallar Nazirliyinin Şimal-qərb Regional Mərkəzi Şamaxı Rayon İcra Hakimiyyəti ilə birgə “1 mart - Ümumdünya Mülki Müdafiə Günü” münasibətilə “Milli iqtisadiyyatın qorunmasına yönəlmiş güclü mülki müdafiə” mövzusunda maarifləndirmə tədbiri keçirib. Tədbirdə Şimal-qərb Regional Mərkəzinin və Şamaxı Rayon İcra Halimiyyətinin əməkdaşları......

Ardını oxu

Ümumdünya Mülki Müdafiə Günü ilə əlaqədar tədbirlər keçirilib

Fövqəladə Hallar Nazirliyinin Aran Regional Mərkəzi tərəfindən Ucar rayonu 2 saylı regional Sukanal idarəsində və Kürdəmir rayon “ASAN xidmət” mərkəzində "1 mart-Ümumdünya Mülki Müdafiə Günü"nə həsr olunmuş "Milli iqtisadiyyatın qorunmasında güclü mülki müdafiə” mövzusunda nümunəvi tədbirlər keçirilib.Tədbirlərdə Ümumdünya Mülki Müdafiə Gününün mahiyyətini və mülki müdafiənin rolunu......

Ardını oxu