Geri

FHN-in Aran Regional Mərkəzi mülki müdafiə ilə bağlı maarifləndirmə tədbiri keçirib

Fövqəladə Hallar Nazirliyi Aran Regional Mərkəzi 25 iyun 2019-cu il tarixində Ağdaş rayonunun Qolqəti kəndində sakinlərlə “Mülki müdafiə hazırlığının təşkil olunması, təbii fəlakət və texnogen qəzalar zamanı davranış qaydaları” mövzusunda maarifləndirmə tədbiri keçirib.

Tədbirdə Aran Regional Mərkəzinin Mülki müdafiə idarəsinin şəxsi heyəti, Dövlət Yanğın Nəzrəti Xidmətinin Aran Regional Dövlət Yanğın Nəzarəti İdarəsinin zabitləri, Ağdaş şəhər İcra Hakimiyyəti başçısının Qolqəti kənd İnzibati Ərazi Dairəsi üzrə nümayəndəsi, Qolqəti kənd Bələdiyyəsinin sədri, eləcə də Ağdaş Regional Qaz İstismar idarəsinin, Ağdaş rayon Elektrik Şəbəkəsinin, Ağdaş rayon Baytarlıq İdarəsinin, Ağdaş rayon Gigiyena və Epidemiologiya Mərkəzinin, Ağdaş rayon Qolqəti kənd xəstəxanasının aparıcı mütəxəssisləri, digər xidmət sahələrinin məsul şəxsləri və sakinlər iştirak ediblər.

Tədbirin keçirilməsində əsas məqsəd baş verə biləcək fövqəladə hadisələr zamanı əhalinin funksional vəzifələrini yerinə yetirmələri üzrə nəzəri biliklərini artırmaqdan və onlara praktik vərdişlərin aşılanmasından, həmçinin fövqəladə hadisələrin qarşısının alınması işində təşkilatçılıq və operativlik səviyyəsinin yüksəldilməsindən ibarət olub.

Tədbirdə “Fövqəladə halların təsnifatı”, “Zəlzələ zamanı necə davranmalı?”, “Sel və daşqın zamanı nə etməli?”, “Məişətdə yanğın zamanı davranış qaydaları”, “Dəm qazı” və “112” mərkəzi” mövzularında çıxışlar edilib. Bundan başqa, xidmət sahələrinin nümayəndələri təmsil olunduqları qrumların fövqəladə hallar zamanı fəaliyyətlərindən danışıb və sakinlərə ətraflı bilgilər veriblər.

Tədbirin yekununda mövzulara dair müzakirələr aparılıb.

Digər məlumatlar

FHN-in Dövlət Yanğın Nəzarəti Xidməti maarifləndirmə tədbiri keçirib

Fövqəladə Hallar Nazirliyi Dövlət Yanğın Nəzarəti Xidmətinin Aran regional Dövlət Yanğın Nəzarəti İdarəsi Yevlax şəhər S.Əliyev adına 1 nömrəli tam orta məktəbində, Qarabağ regional Dövlət Yanğın Nəzarəti İdarəsi isə Bərdə rayon İ.Abbasov adına Kələntərli kənd tam orta məktəbində və Ağcabədi şəhər 6 nömrəli tam orta məktəbində......

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti mehmanxana və istirahət tipli obyektlərdə yanğın təhlükəsizliyi tələblərinin pozulmasının qarşısını almaq, bu sahədə fəaliyyət göstərən əməkdaşları yanğın təhlükəsizliyi ilə bağlı maarifləndirmək məqsədilə Bakı şəhəri Səbail rayonunda yerləşən “Promenado” və Nərimanov rayonunda yerləşən “Altus” otellərində növbəti maarifləndirmə tədbirləri keçirib....

Ardını oxu

Kiçikhəcmli gəmi istifadəçiləri ilə maarifləndirmə işi aparılıb

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçilərinin müvafiq təhlükəsizlik qaydaları ilə bağlı maarifləndirilməsi məqsədilə tədbir keçirib. ...

Ardını oxu