Geri

FHN-in Dövlət Yanğından Mühafizə Xidməti “ “Etilen-Polietilen” zavodunda yanğın-taktiki təlimi keçirib

Fövqəladə Hallar Nazirliyinin Dövlət Yanğından Mühafizə Xidməti 25 iyun 2019-cu il tarixində SOCAR-ın “Azərikimya” İB-nin “Etilen-Polietilen” zavodunun 3 saylı Qazayırma sahəsində "Açıq texnoloji qurğularda yanğınların söndürülməsi" mövzusunda yanğın-taktiki təlimi keçirib.

Təlim “Azərikimya” İB-nin texnoloji qurğularında yanğın zamanı texniki heyətin hərəkətlərini, obyekt rəhbərliyinin fəaliyyətini, yanğın zamanı birinci və sonrakı yanğınsöndürmə rəhbəri tərəfindən yanğın yerində kəşfiyyatın aparılmasını, yanğında vəziyyətin qiymətləndirilməsini, döyüş hərəkətlərinin həlledici istiqamətlərə yönəldilməsini, yanğın yerinə gələnə qədər texnikanın qarşılanmasını, yerləşdirilməsini və idarə olunmasını, yanğın zamanı rabitə və arxa sahənin təşkilini, döyüş əməliyyatları zamanı texniki təhlükəsizlik qaydalarına riayət olunmasını, təxliyə işlərinini məşq etdirmək məqsədilə keçirilib.

Təlimə Fövqəladə Hallar Nazirliyinin Dövlət Yanğından Mühafizə Xidmətinin rəis müavini daxili xidmət polkovniki Rza Xudiyev rəhbərlik edib. Təlimə 3 saylıli köpük çağırışına uyğun olaraq Dövlət Yanğından Mühafizə Xidmətinin Sumqyıt şəhər yanğından Mühafizə Qarnizonunun qüvvə və vasitələri, SOCAR-ın “Azərikimya” İB-nin “Etilen-Polietilen” zavodunun canlı qüvvəsi və müvafiq texnikası cəlb edilib.

Təlimdən öncə obyektin texnolji qurğularında, bina və tikililərindəki tikinti konstruksiyalarının yanğın təhlükəliliyi və obyektin digər mühüm əhəmiyyətli xüsusiyyətləri öyrənilib, təlimə cəlb olunmuş yanğın avtomobillərinin texniki silahlarla komplektləşdirilməsi, onların sazlığı və istismar zamanı etibarlılığı yoxlanılıb. Zəruri olan digər hazırlıq işləri görüldükdən sonra taktiki təlimə start verilib. Təlim təsdiq olunmuş plan üzrə icra edilib.

Sonda yanğından mühafizə hissələrinin, zavodun əməkdaşlarının yanğın-taktiki təlimdə hərəkətləri təhlil edilərək əldə edilmiş müsbət təcrübənin gələcəkdə tətbiq olunması, mövcud nöqsanların aradan qaldırılması, həmçinin gələcəkdə döyüş hərəkətlərinin təkmilləşdirilməsi istiqamətində səmərəli tədbirlərin hazırlanması ilə bağlı tövsiyələr verilib.

 

Digər məlumatlar

FHN-in Dövlət Yanğın Nəzarəti Xidməti maarifləndirmə tədbiri keçirib

Fövqəladə Hallar Nazirliyi Dövlət Yanğın Nəzarəti Xidmətinin Aran regional Dövlət Yanğın Nəzarəti İdarəsi Yevlax şəhər S.Əliyev adına 1 nömrəli tam orta məktəbində, Qarabağ regional Dövlət Yanğın Nəzarəti İdarəsi isə Bərdə rayon İ.Abbasov adına Kələntərli kənd tam orta məktəbində və Ağcabədi şəhər 6 nömrəli tam orta məktəbində......

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti mehmanxana və istirahət tipli obyektlərdə yanğın təhlükəsizliyi tələblərinin pozulmasının qarşısını almaq, bu sahədə fəaliyyət göstərən əməkdaşları yanğın təhlükəsizliyi ilə bağlı maarifləndirmək məqsədilə Bakı şəhəri Səbail rayonunda yerləşən “Promenado” və Nərimanov rayonunda yerləşən “Altus” otellərində növbəti maarifləndirmə tədbirləri keçirib....

Ardını oxu

Kiçikhəcmli gəmi istifadəçiləri ilə maarifləndirmə işi aparılıb

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçilərinin müvafiq təhlükəsizlik qaydaları ilə bağlı maarifləndirilməsi məqsədilə tədbir keçirib. ...

Ardını oxu