Geri

FHN-in Akademiyasında “Heydər Əliyev Məktəbinin Lektoriyası”nın növbəti toplantısı keçirilib

30 aprel 2019-cu il tarixdə Fövqəladə Hallar Nazirliyinin Akademiyasında ümummilli lider Heydər Əliyevin anadan olmasının 96-cı ildönümü münasibətilə “Heydər Əliyev Məktəbinin Lektoriyası”nın toplantısı keçirilib.

Tədbiri giriş söz ilə açan Akademiyanın rəisi general-mayor Baba Salayev Ulu Öndərin zəngin həyat yolu və ictimai-siyasi fəaliyyəti haqqında məlumat verərək bildirib ki, Azərbaycan xalqının görkəmli oğlu Heydər Əliyevin irsi olduqca zəngindir: “Heydər Əliyev nadir tarixi şəxsiyyətlərdəndir ki, mükəmməl dövlət quruculuğu konsepsiyasını işləyib reallaşdıra bilib. Azərbaycanı böyük bir fəlakətdən xilas edərək dövrün tələblərinə yüksək dərəcədə cavab verən müstəqil, demokratik dövlət quruculuğu konsepsiyasını hazırlayıb. Azərbaycanın dünyada layiqli yerini tutması üçün uzun illər çalışaraq, müstəqil Azərbaycanın memarı və qurucusu kimi tarixdə yerini tutub”.

Akademiyanın rəisi çıxışanda qeyd edib ki, Heydər Əliyevin Azərbaycana, regiona və dünyaya ciddi töhfələr verdiyi hamılıqla tanınan faktdır. Onun dövlət quruculuğu kursunu Prezident İlham Əliyev böyük uğurla inkişaf etdirir. Ulu öndərin əvəzsiz xidmətlərindən biri də Azərbaycan xalqının gələcək tərəqqisini təmin edən İlham Əliyev kimi böyük siyasət xadimini yetişdirməsidir.

Tədbirdə çıxış edən Akademiyanın Humanitar fənlər kafedrasının müdiri, tarix üzrə fəlsəfə doktoru, dosent Fizuli İbrahimzadə ümummilli lider Heydər Əliyevin həyatı və siyasi fəaliyyətindən, Azərbaycan xalqı qarşısındakı əvəzsiz xidmətlərindən söhbət açaraq qeyd edib ki, ulu öndər Heydər Əliyev öz xidmətləri ilə hələ sağlığında ikən tarixin yaddaşında əbədiləşmiş ən böyük Azərbaycanlıdır.

Digər məlumatlar

“Azərbaycan” İstilik Elektrik Stansiyasında rəhbər heyətin mülki müdafiə məşqi keçirilib

Fövqəladə Hallar Nazirliyinin Aran Regional Mərkəzi və “Azərenerji” Açıq Səhmdar Cəmiyyətinin “Azərbaycan” İstilik Elelktrik Stansiyası MMC tərəfindən “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin birgə mülki müdafiə məşqi keçirilib. ...

Ardını oxu

FHN-in Akademiyasında “Vətənə məhəbbət və qəhrəmanlıq” mövzusunda tədbir keçirilib

Fövqəladə Hallar Nazirliyinin Akademiyasında “Vətənə məhəbbət və qəhrəmanlıq” mövzusunda tədbir keçirilib. ...

Ardını oxu

FHN-in Cənub Regional Mərkəzi müşavirə keçirib

Fövqəladə Hallar Nazirliyinin Cənub Regional Mərkəzi tərəfindən Masallı Rayon İcra Hakimiyyətində "Təbii fəlakətlər zamanı əhalinin davranışı” mövzusunda toplantı keçirilib. ...

Ardını oxu