FHN-in Şimal Regional Mərkəzində zona birinciliyi keçirilib
30 aprel 2019–cu il tarixində Fövqəladə Hallar Nazirliyinin Şimal Regional Mərkəzinin əhatə etdiyi ərazidə yerləşən şəhər və rayonların məktəbləri arasında “Gənc xilasedici və yanğınsöndürən” yarışlarının zona birinciliyi keçirilib.
Əvvəlcə, yarış iştirakçıları Mərkəzin həyətində ümummilli lider Heydər Əliyevin xatirəsinə ucaldılmış abidənin önünə gül-çiçək dəstələri düzüblər.
Tədbirdə çıxış edən natiqlər yarışların yeniyetmələrin, gənclərin fövqəladə hallara hazırlıq səviyyəsinin yüksəldilməsi, məktəblilərdə şəxsi təhlükəsizliklə bağlı məsuliyyət hissinin artırılması, gənc nəslə hərbi vətənpərvərlik ruhunun və sağlam həyat tərzinin aşılanmasında böyük rol oynadığı bildirib.
Yarışa şəhər və rayonlardan 5 komanda qatılıb. Gərgin və şəffaf keçən estafetlərdə gənclər öz bilik və bacarıqlarını nümayiş etdiriblər. Mərhələlər üzrə toplanan ümumi xalların nəticəsinə görə, Quba rayonu Qaraçay kənd tam orta məktəbinin komandası I, Siyəzən şəhər 2 nömrəli tam orta məktəbinin komandası II, Şabran şəhər 4 nömrəli tam orta məktəbin komandası isə III yerə layiq görülüb. Komandalar göstərdiyi yüksək nəticələrə görə kuboklarla, fəxri fərmanlar və qiymətli hədiyyələrlə təltif olunublar.
Qalib olan Quba rayonu Qaraçay kənd tam orta məktəbin komandası “Gənc xilasedici və yanğınsöndürən” yarışlarının respublika birinciliyində iştirak etmək hüququ əldə edib.
Digər məlumatlar
FHN-in Dövlət Yanğın Nəzarəti Xidməti maarifləndirmə tədbirlərini davam etdirir
Fövqəladə Hallar Nazirliyinin Dövlət Yanğın Nəzarəti Xidmətinin Şimal-qərb regional Dövlət Yanğın Nəzarəti İdarəsi Qəbələ rayon Dövlət Yanğından Mühafizə Hissəsi əməkdaşlarının iştirakı ilə Qəbələ rayonu, Şahdağ Milli Parkının Qəbələ bölməsinin nümayəndələri üçün, habelə Zaqatala rayonu, Muğanlı meşəbəyliyinin 5 saylı dolayında və Ağsu rayonun meşə ərazilərinə yaxın yerləşən......
Ardını oxuFHN-in Cənub Regional Mərkəzi onlayn şəkildə maarifləndirmə tədbiri keçirib
9 iyun 2021-ci il tarixində Fövqəladə Hallar Nazirliyinin Cənub Regional Mərkəzi Yardımlı rayon Sırıq kənd tam orta məktəbin müəllim və şagirdləri üçün “Fövqəladə hallarla bağlı davranış qaydaları” mövzusunda onlayn formatda maarifləndirmə tədbiri keçirib....
Ardını oxuFHN-in Dövlət Yanğın Nəzarəti Xidməti maarifləndirmə tədbirlərini davam etdirir
Fövqəladə Hallar Nazirliyinin Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsinin əməkdaşları Göygöl Milli Parkında və Hacıkənd-Toğana meşəbəyliyində Meşə Mühafizəsi və Bərpası Müəssisəndə “Meşələri yanğından qoruyaq” mövzusunda maarifləndirmə tədbiri keçirib....
Ardını oxu