“Gənc xilasedici və yanğınsöndürən” yarışlarının zona birinciliyi keçirilib
Fövqəladə Hallar Nazirliyinin Cənub Regional Mərkəzinin əhatə etdiyi rayonların təhsil müəssisələri arasında 30 aprel 2019-cu il tarixində “Gənc xilasedici və yanğınsöndürən” yarışlarının zona birinciliyi keçirilib.
Fövqəladə Hallar Nazirliyinin təşkilatçılığı və Təhsil, Gənclər və İdman nazirliklərinin dəstəyi ilə keçirilmiş “Gənc xilasedici və yanğınsöndürən” yarışlarının açılış mərasimində çıxış edən FHN-in Cənub Regional Mərkəzinin rəis vəzifəsini müvəqqəti icra edən mayor Müsəddiq Əsədov yeniyetmə və gənclərin fövqəladə hallara hazırlıq səviyyəsinin yüksəldilməsinin vacibliyindən danışaraq keçirilən tədbirin məktəblilər arasında şəxsi və ictimai təhlükəsizliyə məsuliyyətli yanaşma hissinin artırılmasında böyük rol oynayacağına əmin olduğunu bildirib.
Gərgin mübarizə şəraitində keçən yarışların yekunlarına əsasən Lənkəran rayon V.Qasımov adına Digah kənd tam orta məktəbin komandası I yer, Masallı rayonu Qəriblər kənd tam orta məktəbin komandası II yeri, Cəlilabad şəhər 2 nömrəli tam orta məktəbin komandası isə III yeri tutub. Yarışda fərqlənmiş komandalar müvafiq yerlər üzə diplomlarla təltif olunmuşdur.
Birinci yeri tutan komanda “Gənc xilasedici və yanğınsöndürən” yarışlarının respublika mərhələsində iştirak etmək hüququ əldə edib.
Digər məlumatlar
FHN-in Dövlət Yanğın Nəzarəti Xidməti maarifləndirmə tədbiri keçirib
Fövqəladə Hallar Nazirliyi Dövlət Yanğın Nəzarəti Xidmətinin Aran regional Dövlət Yanğın Nəzarəti İdarəsi Yevlax şəhər S.Əliyev adına 1 nömrəli tam orta məktəbində, Qarabağ regional Dövlət Yanğın Nəzarəti İdarəsi isə Bərdə rayon İ.Abbasov adına Kələntərli kənd tam orta məktəbində və Ağcabədi şəhər 6 nömrəli tam orta məktəbində......
Ardını oxuFHN-in Dövlət Yanğın Nəzarəti Xidməti maarifləndirmə tədbirlərini davam etdirir
Fövqəladə Hallar Nazirliyinin Dövlət Yanğın Nəzarəti Xidməti mehmanxana və istirahət tipli obyektlərdə yanğın təhlükəsizliyi tələblərinin pozulmasının qarşısını almaq, bu sahədə fəaliyyət göstərən əməkdaşları yanğın təhlükəsizliyi ilə bağlı maarifləndirmək məqsədilə Bakı şəhəri Səbail rayonunda yerləşən “Promenado” və Nərimanov rayonunda yerləşən “Altus” otellərində növbəti maarifləndirmə tədbirləri keçirib....
Ardını oxuKiçikhəcmli gəmi istifadəçiləri ilə maarifləndirmə işi aparılıb
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçilərinin müvafiq təhlükəsizlik qaydaları ilə bağlı maarifləndirilməsi məqsədilə tədbir keçirib. ...
Ardını oxu