Geri

Fövqəladə Hallar Nazirliyinin Akademiyasında “Əbədi Ezamiyyət” filmi nümayiş olunmuşdur

Dekabrın 26-da FHN-in Akademiyasında Fövqəladə Hallar Nazirliyinin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin təşkilatçılığı ilə Azərbaycan Xalq Cümhuriyyətinin 100 illiyinə həsr olunmuş “Əbədi Ezamiyyət” filminin nümayişi olmuşdur.

Azərbaycan Respublikası Dövlət himninin səslənməsi ilə başlanan toplantıda Akademiya rəisinin birinci müavini polkovnik-leytenant Qəzənfər Bağırov giriş sözü ilə toplantını açıq elan edərək qeyd etmişdir ki, 1918-ci il mayın 28-də yaradılan Azərbaycan Xalq Cümhuriyyəti qısa fəaliyyəti dövründə çox mühüm nailiyyətlər əldə etmişdir. Bildirmişdir ki,  Azərbaycan Xalq Cümhuriyyətinin yaradılması xalqımızın tarixinə mübət hadisə kimi daxil olmuşdur.

Daha sonra çıxış edən Fövqəladə Hallar Nazirliyinin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin Layihələrin idarə edilməsi və təhsil məsələləri üzrə idarəsinin rəisi Azadi Quliyev qeyd etmişdir ki, 23 aylıq fəaliyyəti dövründə Azərbaycan Xalq Cümhuriyyəti öz müqəddəratını təyin etməyə qadir olduğunu əyani şəkildə bütün dünyaya göstərməyə nail olmuşdur.

Daha sonra Azərbaycan Milli Elmlər Akademiyasının Ziya Bünyadov adına Şərqsünaslıq İnstitutunun aparıcı elmi işçisi, tarix elmləri doktoru professor Solmaz Rüstəmova-Tohidi “Müstəqilliyin çətin yolu” mövzusunda çıxış etmişdir. O, ilk demokratik respublikamızın yaradılmasından süqutuna qədər olan 23 aylıq fəaliyyəti dövrü haqqında ətraflı məlumat vermişdir.

Fövqəladə Hallar Nazirliyinin Akademiyasının rəisi general-mayor Baba Salayev “Əbədi Ezamiyyət” filmini tarixi keçmişimizin öyrənilməsi və gənc nəslə ötürülməsi baxımından mühüm əhəmiyyət kəsb etdiyini, Azərbaycan Xalq Cümhuriyyətinin tanıdılması istiqamətində xüsusi rol oynadığını vurğulamışdır.

Sonra Azərbaycan Xalq Cümhuriyyətinin 100 illiyinə həsr olunmuş “Əbədi Ezamiyyət” filmi nümayişi olunmuş və iştirakçılar tərəfindən böyük maraqla qarşılanmışdır.

Qeyd edək ki, Heydər Əliyev Fondunun dəstəyi ilə Bakı Media Mərkəzi tərəfindən hazırlanan “Əbədi ezamiyyət” sənədli filminin baş prodüseri Arzu Əliyevadır. Bakı, Tbilisi, Moskva və Parisin arxivlərində saxlanılan sənədlər, eləcə də o dövrün kinoxronikası əsasında hazırlanan filmdə nümayəndə heyətinin gərgin əməyi və Azərbaycanın müstəqilliyi uğrunda apardığı mübarizənin tarixi əks olunmuşdur.

Digər məlumatlar

Sumqayıtda “Mülki aviasiyada axtarış və xilasetmə işlərinin təşkili” mövzusunda seminar keçirilib

FHN-in Sumqayıt Regional Mərkəzində Nazirliyin Baş əməliyyat idarəsinin təşkilatçılığı ilə “Mülki aviasiyada axtarış və xilasetmə işlərinin təşkili” mövzusunda seminar keçirilib. ...

Ardını oxu

FHN Ağcabədidə seminar-müşavirə keçirib

Fövqəladə Hallar Nazirliyinin Qarabağ Regional Mərkəzinin təşkilatçılığı ilə Bərdə Rayon İcra Hakimiyyətində “Rayon Fövqəladə Hallar Komissiyası ilə FHN-in yerli struktur bölmələrinin qarşılıqlı fəaliyyəti” mövzusunda seminar-müşavirə keçirilib. ...

Ardını oxu

FHN-in Muğan Regional Mərkəzi “dəyirmi masa” keçirib

Fövqəladə Hallar Nazirliyinin Muğan Regional Mərkəzi tərəfindən Şirvan Şəhər İcra Hakimiyyətində “Fövqəladə halların nəticələrinin aradan qaldırılması sahəsində Nazirliyin yerli qurumları ilə rayon icra hakimiyyəti və özünüidarəetmə orqanları, eləcə də xidmət sahələri arasında qarşılıqlı fəaliyyət, qarşıda duran vəzifələr və problemlər” mövzusunda “dəyirmi masa” keçirilib. ...

Ardını oxu