25-29 sentyabr  2017-ci il tarixlərində Bosniya və Hersoqovina Respublikasının Tuzla şəhərində, Şimali Atlantika Müqaviləsi Təşkilatının (NATO) Avro-Atlantik Fəlakətlərin İdarəolunması Mərkəzi, Bosniya və Hersoqovina Təhlükəsizlik Nazirliyi ilə birlikdə 17-ci Avro – Atlantik Fəlakətlərin  İdarəolunması Mərkəzi fəlakət nəticələrinin idarəolunması sahəsində “Bosniya I Hersoqovina 2017” təlimi keçirilmişdir.     

Təlimdə Azərbaycan Respublikası Fövqəladə Hallar Nazirliyinin Beynəlxalq Axtarış-Xilasetmə Dəstəsi də iştirak etmişdir.

Təlimin əsas məqsədi NATO üzv və tərəfdaş ölkələr arasında uyarlığın artırılması, təlimlər sahəsində əməkdaşlıq  və ölkələrin milli qabiliyyətlərinin inkişafına töhfə verməkdir. Təlim xilasetmə və axtarış əməliyyatları, fəlakətlərin mülki əhaliyə və mühüm infrastruktura təsiri, o cümlədən daşqınlara cavab və kimyəvi insidentlər üzrə ssenari əsasında keçirilmişdir.

Təlimdə tərəfdaş ölkələrdən müvafiq xilasetmə komandaları, mütəxəssislər və müşahidəçilər iştirak etmişdirlər.