Tədbirin keçirilməsində məqsəd müxtəlif xarakterli təbii və texnogen mənşəli fövqəladə hallarda davranış qaydaları, yanğınsöndürmə avadanlıqlarından istifadə üsulları, mənzildə yanğın, dəm qazı zamanı hərəkət qaydaları kimi mövzularında biliklərin  aşılanması olmuşdur.

Tədbirdən əvvəl Mərkəzin Xüsusi Xilasetmə hissəsinin xilasediciləri binada yanğın zamanı  zərərçəkmiş insanların xilas olunması əməliyyatını praktiki yerinə yetirmiş, məktəbin həyətində Qəza xilasetmə avtomobilində olan xilasetmə avadanlıqlarını  müəllim və şagird heyətinə nümayiş etdirmişlər.

Tədbirdə Aran Regional Mərkəzinin xilasediciləri, Aran Regional Dövlət Yanğın Nəzarəti İdarəsinin əməkdaşları və məktəbin müəllim və şagird heyəti iştirak etmişdir.

Tədbirdə “Fövqəladə halların təsnifatı”, “Zəlzələ zamanı necə davranmalı”, Sel və daşqınlar zamanı davranış qaydaları” “Od söndürücü balonlardan istifadə qaydaları, “Məişətdə yanğın”, “Dəm qazı təhlükəsi”  və “112” qaynar xətti” mövzularında çıxışlar olunmuşdur. Mövzular fotoslaydlar və videoçarxlarla nümayiş olunmuşdur.

Sonda  iştirakçılara  təhlükəsizlik qaydaları ilə bağlı hazırlanmış kitabçalar paylanılmışdır.