Fövqəladə Hallar Nazirliyinin Gəncə Regional Mərkəzi 27 sentyabr 2017-ci il tarixində Gəncə şəhəri “Qızıl əllər” tədris müəssisəsində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir.

Tədbirdə Gəncə Regional Mərkəzinin, Gəncə Regional Dövlər Yangın Nəzarəti İdarəsinin əməkdaşları və “Qızıl əllər” tədris müəssisəsinin kollektivi də iştirak etmişdir.

Toplantının keçirilməsində məqsəd müəssisənin kollektivinə müxtəlif xarakterli təbii və texnogen mənşəli fövqəladə halların yaranma səbəbləri, onlardan qorunma üsulları haqqında biliklərin aşılanması olmuşdur.

Tədbirdə dəm qazı, yanğınlar, zəlzələ, “112” qaynar xətti”, odsöndürən balonlardan istifadə qaydaları haqqında geniş məlumat verilmiş, mövzulara aid slaydlar, videoçarxlar nümayiş olunmuşdur.

Sonda suallar cavablandırılmışdır.