Geri

FHN-in Su ehtiyatları Dövlət Agentliyi və “Hidrotex” MMC işçilərinin Həmkarlar İttifaqı Komitəsində hesabat-seçki konfransı keçirilmişdir

6 noyabr 2017-ci il tarixində Fövqəladə Hallar Nazirliyinin Su ehtiyatları Dövlət Agentliyi və “Hidrotex” MMC işçilərinin Həmkarlar İttifaqı Komitəsində hesabat-seçki konfransı keçirilmişdir.

İlk olaraq Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov çıxış edərək hesabat-seçki konfransının işini açıq elan etmiş, rəhbərlik etdiyi ittifaq və görülmüş işlər haqqında məlumat vermiş, konfransın işinə uğurlar arzulamışdır.

“Hidrotex” MMC işçilərinin Həmkarlar İttifaqı Komitəsinin üzvü Vəfa Nəsibovanın geniş hesabat məruzəsi dinlənilmişdir.

Daha sonra Su ehtiyatları Dövlət Agentliyi “Hidrotex” MMC-nin direktoru Tale Şamçıyev çıxış edərək rəhbərlik etdiyi müəsisənin işçilərinə göstərilmiş diqqət və qayğını yüksək qiymətləndirmişdir.

Qeyd edək ki, konfransda agentlik və ona tabeli müəssisədə fəaliyyət göstərən həmkarlar ittifaqı komitələrinin fəaliyyətinin səmərəliliyinin və effektliyinin daha da artırılması məqsədilə həmkarlar ittifaqı komitələrinin vahid bir komitə şəklində birləşdirilməsi təklifi irəli sürülmuş, konfrans iştirakçılarının müzakirəsinə çıxarılaraq yekdilliklə qəbul edilmişdir. Həmçinin, təklif edilmişdir ki, yeni komitənin adı Su Ehtiyatları Agentliyi aparatı və müəssisələri işçilərinin Həmkarlar İttifaqı Komitəsi adlandırılsın.

Konfransın sonunda, yeni yaradılmış komitəyə sədr seçkiləri keçirilmiş və Məcnun Quliyev Su Ehtiyatları Agentliyi aparatı və müəsisələri işçilərinin Həmkarlar İttifaqı Komitəsinin sədri seçilmişdir.

Digər məlumatlar

FHN-in Şimal Regional Mərkəzi rəhbər heyətin nümunəvi mülki müdafiə məşqini təşkil edib

Fövqəladə Hallar Nazirliyinin Şimal Regional Mərkəzi tərəfindən Elm və Təhsil Nazirliyinin Quba-Xaçmaz Regional Təhsil İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu

FHN-in Cənub Regional Mərkəzi nümunəvi dərs keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran Dövlət Universitetinin nəzdində Sosial və Aqrar Texnoloji Kollecində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib. ...

Ardını oxu

FHN-in Gəncə Regional Mərkəzi nümunəvi dərs keçirib

Fövqəladə Hallar Nazirliyinin Gəncə Regional Mərkəzi tərəfindən Azərbaycan Texnologiya Universitetində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib. ...

Ardını oxu