Fövqəladə Hallar Nazirliyinin Kiçik Həcmli Gəmilər üzrə Dövlət Müfəttişliyinin əməkdaşları sahilyanı ərazilərdə su nəqliyyatı vasitələrinin təhlükəsiz istismarına nəzarət qaydalarına əməl olunmasını təmin etmək məqsədilə mütəmadi əməliyyat tədbirləri həyata keçirir.

Əməliyyat tədbirləri nəticəsində sentyabrın 19-da Bakı şəhəri Qobustan qəsəbəsi, sentyabrın 22-də Bakı şəhəri Pirallahı rayonu, sentyabrın 22-23-də Lənkəran rayonu və sentyabrın 23-də Neftçala rayonu sahilyanı ərazilərində 9 su nəqliyyat istifadəçisi tərəfindən “kiçik həcmli gəmilərin təhlükəsiz istismarına nəzarət” və “kiçik həcmli gəmilərin texniki nəzarət” qaydalarının pozulduğu faktı aşkar edilmişdir.

Qaydaları pozan kiçik həcmli gəmi istifadəçiləri barəsində mövcud qanunvericiliyin tələblərinə uyğun olaraq müvafiq tədbirlər görülmüşdür.

Kiçik Həcmli Gəmilər üzrə Dövlət Müfəttişliyi tərəfindən kiçik həcmli gəmilərin təhlükəsiz istismarına nəzarət tədbirləri davam etdiriləcəkdir.