Fövqəladə Hallar Nazirliyinin Gəncə Regional Mərkəzi 22 sentyabr 2016-cı il tarixində Gədəbəy rayon Mərkəzləşdirilmiş Kitabxana Sistemində “Fövqəladə hallarla bağlı davranış qaydaları” mövzusunda maarifləndirmə tədbiri keçirmişdir.

Toplantının keçirilməsində məqsəd kitabxananın  kollektivinə  təbii və texnogen mənşəli hadisələrin yaranma səbəbləri, onlardan qorunma yolları haqqında biliklərin aşılanması olmuşdur.

Tədbirdə Gədəbəy rayon Dövlət Yanğından Mühafizə Hissəsinin və Gəncə Regional Dövlət Yanğın Nəzarəti İdarəsinin əməkdaşları mövzuya aid məruzələrlə çıxış etmişlər. Həmçinin,  yanğınsöndürən balonlardan istifadə qaydaları əyani olaraq izah edilmişdir.

Bundan başqa, “112” qaynar telefon xətti, məişətdə civə dağılmalarının təhlükəsi haqqında da geniş məlumat verilmişdir. Sonda təbliğat materialları kitabxananın rəhbərliyinə təqdim edilmiş, suallar cavablandırılmışdır.