Geri

FHN-in Dövlət Yanğın Nəzarəti Xidməti seminar-müşavirə keçirmişdir

Fövqəladə Hallar Nazirliyinin Dövlət Yanğın Nəzarəti Xidməti 18 may 2016-cı il tarixində dənli və texniki bitkilərin yığılması, daşınması, saxlanması və emalı dövründə yanğın hadisələrinin qarşısının alınması, eləcə də meşələrin yanğın təhlükəsizliyinin təmin olunması üçün Xaçmaz  şəhərində  seminar-müşavirə keçirmişdir.

Şimal Regional Mərkəzinin və Şabran, Quba, Xaçmaz rayonlarının Yanğından Mühafizə hissələrinin əməkdaşlarının, bələdiyyələr, Meşə Mühafizəsi və Bərpası müəssisələri, fermer təsərrüfatları, Yol-istismar idarəsi nümayəndələrinin, “Aqrolizinq” ASC-nin rayon filiallarının mütəxəssislərinin iştirak etdiyi seminar-müşavirədə taxıl yığımına və ot tədarükünə hazırlıq, dənli bitkilərin yetişmə və məhsul yığımı dövründə yanğın təhlükəsizliyi ilə əlaqədar qarşıda duran vəzifələr müzakirə edilmiş, həmçinin, meşə və meşə zolaqlarında yanğın təhlükəsizliyinin təmin olunması ilə əlaqədar müvafiq təşkilatlar qarşısında məsələlər qaldırılmışdır.

Seminar-müşavirədə yanğınların statistikası və təhlilinə istinad edilərək baş vermiş bu tipli hadisələrin səbəbləri kimi yerlərdə ilkin yanğınsöndürmə vasitələrinin olmaması, insanların bu vasitələrin təyinatını və istifadə qaydalarını bilməməsi göstərilmişdir.

Sonda mövzuya dair foto və videoslaydlar nümayiş etdirilmiş, yaddaş kitabçaları, təbliğat xarakterli plakatlar paylanılmışdır.

Digər məlumatlar

“Azərbaycan” İstilik Elektrik Stansiyasında rəhbər heyətin mülki müdafiə məşqi keçirilib

Fövqəladə Hallar Nazirliyinin Aran Regional Mərkəzi və “Azərenerji” Açıq Səhmdar Cəmiyyətinin “Azərbaycan” İstilik Elelktrik Stansiyası MMC tərəfindən “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin birgə mülki müdafiə məşqi keçirilib. ...

Ardını oxu

FHN-in Akademiyasında “Vətənə məhəbbət və qəhrəmanlıq” mövzusunda tədbir keçirilib

Fövqəladə Hallar Nazirliyinin Akademiyasında “Vətənə məhəbbət və qəhrəmanlıq” mövzusunda tədbir keçirilib. ...

Ardını oxu

FHN-in Cənub Regional Mərkəzi müşavirə keçirib

Fövqəladə Hallar Nazirliyinin Cənub Regional Mərkəzi tərəfindən Masallı Rayon İcra Hakimiyyətində "Təbii fəlakətlər zamanı əhalinin davranışı” mövzusunda toplantı keçirilib. ...

Ardını oxu