Geri

FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi seminar-müşavirə keçirmişdir

Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi 26 aprel 2016-cı il tarixində Sumqayıt Regional Mərkəzində “Sahibkarlığın inkişafı üçün yaradılmış münbit şəraitdə texniki təhlükəsizliyin təmin edilməsi” mövzusunda növbəti seminar-müşavirə keçirmişdir. Tədbir Regional mərkəzin əhatə etdiyi ərazidə yerləşən, Agentliyin nəzarəti altında olan təhlükə potensiallı sənaye müəssisələrində texniki təhlükəsizliyin təmin edilməsinin təhlili və qabaqlayıcı-profilaktik tədbirlərin görülməsinə həsr edilmişdi.

Agentliyin müfəttişlik rəislərinin, Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun rəhbərliyinin, Fövqəladə Hallar Nazirliyinin məsul işçilərinin, Sumqayıt Regional Mərkəzinin əməkdaşlarının, Xızı və Abşeron rayonları İcra Hakimiyyətlərinin nümayəndələrinin, sənayenin müxtəlif sahələrində çalışan iş adamlarının iştirakı ilə keçirilən seminar-müşavirədə təhlükə potensiallı sənaye obyektlərində texniki təhlükəsizlik normalarına əməl olunması, baş verə biləcək qəzaların qarşısının alınması, qabaqlayıcı tədbirlərin görülməsi məsələləri müzakirə olunmuşdur.

Agentliyin sənaye müfəttişliklərinin rəhbərləri son illər respublikada  sənayenin müxtəlıf sahələrində  baş vermiş qəza və bədbəxt hadisələrin yaranma səbəblərini videoslaydlarla  təqdim edərək bu kimi hadisələrin baş verməsinin vaxtında qarşısının alınması istiqamətində görüləcək qabaqlayıcı-profilaktik tədbirlər barədə seminar-müşavirə iştirakçılarına məlumat vermişlər. Tədbirdə, həmçinin müvafiq obyektlərdə texniki təhlükəsizliyin vəziyyəti barədə danışılmış, texniki təhlükəsizlik üzrə mövcud çatışmazlıqlardan söz açılmışdır.

Toplantıda çıxış edən Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun direktoru Rüştü Səfərov sənaye təhlükəsizliyinin sistemli araşdırılması və texniki təhlükəsizliyin təmin olunmasında əsas istiqamətlərdən danışmış, sənaye sahələrində texniki təhlükəsizliyin tənzimlənməsində istifadə olunan qaydalar, təlimatlar, normativ-texniki sənədlər barədə müşavirə iştirakçılarına məlumat vermişdir. Direktor əsas istiqamətlərdən biri kimi tədris-təlim, ümumiyyətlə maarifləndirmə işlərinin genişləndirilməsi, texniki təhlükəsizlik məsələləri üzrə biliklərin artırılmasının müstəsna əhəmiyyətə malik olduğunu diqqətə çatdırmışıdr.

Tədbirin sonunda iştirakçıları maraqlandıran suallar cavablandırılmışdır.

 

 

Digər məlumatlar

FHN-nin Cüdo komandasının üzvü “İdman ustası” dərəcəsinə layiq görülüb

25 sentyabr 2020-ci il tarixində Azərbaycan Respublikası Gənclər və İdman Nazirliyinin qərarı ilə Fövqəladə Hallar Nazirliyinin cüdo üzrə yeniyetmələrdən ibarət komandasının üzvü Nigar Şamməmmədova cüdonun inkişafında göstərdiyi  xidmətlərinə görə Azərbaycan Respublikasının “İdman ustası” dərəcəsinə layiq görülüb. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti yanğın və partlayış hadisələrinin qarşısının alınması məqsədilə, əsasən insanların sıx toplaşdığı məkanlarda, binaların zirzəmi və birinci mərtəbələrində fəaliyyət göstərən ictimai-iaşə obyektlərində yanğına qarşı təbliğat xarakterli maarifləndirmə tədbirləri həyata keçirib. ...

Ardını oxu

FHN-in karate komandası keçirilən turnirdə uğurla çıxış edib

23-24 sentyabr 2020-ci il tarixlərində Hövsan Olimpiya İdman Kompleksində açıq hava şəraitində Bakı Şəhər Gənclər və İdman Baş İdarəsi və Azərbaycan Full kontakt Kyokuşin Karate......

Ardını oxu