Geri

Dövlət Yanğın Nəzarəti Xidməti Ağdamda seminar-müşavirə keçirmişdir

Fövqəladə Hallar Nazirliyinin Dövlət Yanğın Nəzarəti Xidməti 28 aprel 2016-cı il tarixində "Dənli və texniki bitkilərin, meşələrin yanğın təhlükəsizliyi" mövzusunda Ağdam rayonunda regional seminar-müşavirə keçirmişdir. Rayon icra hakimiyyətləri, bələdiyyələr, Meşə Mühafizəsi və Bərpası müəssisələri, fermer təsərrüfatları nümayəndələrinin iştirak ilə keçirilən tədbirdə taxıl yığımına və ot tədarükünə hazırlıq, dənli bitkilərin yetişmə və məhsul yığımı dövründə yanğın təhlükəsizliyi ilə əlaqədar qarşıda duran vəzifələr müzakirə olunmuş, həmçinin meşə və meşə zolaqlarında yanğın təhlükəsizliyinin təmin edilməsi ilə əlaqədar müvafiq təşkilatlar qarşısında məsələlər qaldırılmışdır. 

Seminar-müşavirədə bildirilmişdir ki, Fövqəladə Hallar Nazirliyinin və  digər qurumların həyata keçirdiyi məqsədyönlü qabaqlayıcı tədbirlərə baxmayaraq, mövsüm ərzində siqaret çəkilən zaman ehtiyatsızlıq, uşaqların odla oynaması, təndirdən və ocaqdan düşən qığılcımlar, texnikaların hərəkət hissələrinin və detallarının dağılması, elektrik avadanlıqlarının texniki istismar qaydalarının pozulması, biçilmiş sahələrin yandırılması səbəbindən dənli və paxlalı bitki sahələrində, yem anbarlarında, meşə və meşə zolaqlarında yanğın hadisələri qeydə alınmışdır. Yanğınların baş verdiyi yerlərdə ilkin yanğınsöndürmə vasitələrinin olmaması, insanların bu vasitələrin təyinatını bilməməsi və onlardan düzgün istifadə etməmələri yanğınların genişlənməsinin başlıca səbəblərindən biri kimi qiymətləndirilmişdir. Toplantıda yay mövsümünün başlanması ilə əlaqədar respublika ərazisindəki meşə və meşə zolaqlarının, meşə ətrafında yerləşən obyektlərin yanğın təhlükəsizliyinin təmin edilməsi də müzakirə olunmuşdur.

Seminar- müşavirədə DYNX-nin Qarabağ Regional Dövlət Yanğın Nəzarəti idarəsinin rəis əvəzi daxili xidmət polkovnik leytenantı Elvin Hacıyev dənli və texniki bitkilərin yığılması, daşınması, saxlanması və emalı mövsümünün başlanması ilə əlaqədar görülmüş işlər haqqında hesabat vermiş, bələdiyyə, Meşə Mühafizəsi və Bərpası Müəssisələri, fermer təsərrüfatlarının üzərinə düşən vəzifələri açıqlamışdır.

Tədbirdə dənli və texniki bitkilərin, meşələrin yanğın təhlükəsizliyi qaydalarını təbliğ edən slaydlar nümayiş etdirilmiş, təsərrüfat və bələdiyyə nümayəndələrinə yaddaş kitabçası, yanğına qarşı təbliğat xarakterli plakatlar paylanılmışdır.

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu