Geri

FHN-in Cənub Regional Mərkəzində Azərbaycanlıların Soyqırımı Günü ilə bağlı tədbir keçirilmişdir

30 mart 2015-ci il tarixində Fövqəladə Hallar Nazirliyinin Cənub Regional Mərkəzində 31 mart - Azərbaycanlıların Soyqırımı Günü ilə bağlı tədbir keçirilmişdir.

Tədbir iştirakçıları, əvvəlcə, soyqırımı qurbanlarının xatirəsinə ucaldılmış abidənin önünə gül dəstələri qoymuş və faciə qurbanlarının xatirəsini dərin hüznlə yad etmişlər.

Sonra tədbirdə FHN Cənub Regional Mərkəzinin rəisi polkovnik Zəmani Dadaşov çıxış edərək 1918-ci il martın 31-də daşnak-erməni quldurları tərəfindən törədilmiş qətliamlar  haqqında tədbir iştirakçılarına ətraflı məlumat vermiş, XX əsrin ən qəddar və dəhşətli hadisələrindən biri olan bu faciənin Azərbaycan xalqına qarşı yürüdülən etnik təmizləmə və soyqırımı siyasətinin tərkib hissəsi olduğunu qeyd etmişdir.

Tədbirdə çıxış edənlər tarix boyu erməni millətçiləri tərəfindən Azərbaycan xalqına qarşı qanlı cinayətlər, terror və soyqırımı aktlarından bəhs etmiş, azərbaycanlılara qarşı törədilən soyqırımına bu günədək dünya ictimaiyyəti tərəfindən lazımi qiymət verilmədiyini qeyd etmiş, bu həqiqətlərin beynəlxalq miqyasda təbliği istiqamətində görülən tədbirlərdən danışmışlar.

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu