FHN Qarabağ Regional Mərkəzinin əməkdaşları Ağdam rayonu Bənövşələr qəsəbə tam orta məktəbinin müəllim- şagird kollektivi və texniki işçiləri, habelə  rayon Təhsil şöbəsinin əməkdaşlarının iştirakı ilə maarifləndirici tədbir keçirmişlər.

Tədbirin keçirilməsində məqsəd fövqəladə hallar sahəsində şagirdlərin biliklərini daha da təkmilləşdirmək, fövqəladə hallar zamanı davranış və gündəlik həyatda təhlükəsizlik qaydalarına dəqiq riayət edilməsinin izahından ibarət olmuşdur.

Mərkəz əməkdaşları  Qarabağ Regional Mərkəzinin fəaliyyət istiqamətləri və maddi-texniki bazası haqqında məlumatlar vermiş, fövqəladə hallar zamanı davranış qaydaları barədə maarifləndirici söhbətlər aparmışlar. «Fövqəladə hallar, onların təsnifatı», «Təbii xarakterli fövqəladə hallar zamanı davranış qaydaları» mövzularında çıxışlar da edilmiş, həmçinin fövqəladə hallar baş verərkən “101” və “112” xidmətlərinə müraciət qaydaları izah olunmuşdur.

Çıxışlarda  foto-slaydlardan istifadə edilmiş, iştirakçılara mövzuları əhatə edən broşürlar paylanmış, onları maraqlandıran suallar cavablandırılmışdır.