Geri

FHN-nin Sumqayıt Regional Mərkəzi maarifləndirmə tədbiri keçirmişdir

FHN-nin Sumqayıt  Regional  Mərkəzi  Sumqayıt  şəhər 11 №-li “Günəş” körpələr evi - uşaq bağçasında “Fövqəladə hallar zamanı özünü necə aparmalı?” mövzusunda maarifləndirici tədbir keçirmişdir.

Regional Mərkəzlə Sumqayıt şəhər Təhsil Şöbəsi arasında razılaşdırılmış Tədbirlər Planına uyğun olaraq keçirilən tədbirin əsas məqsədi uşaq bağçasının müəllimələrinin və texniki işçilərinin, eləcə də bağçadakı uşaqların fövqəladə hallar zamanı davranış qaydaları və mülki müdafiə sahəsində biliklərinin artırılmasına, özünə və digərlərinə ilkin tibbi yardımın göstərilməsinə və bağçada baş verə biləcək yanğın hadisələrinin qarşısının alınması məqsədilə profilaktik tədbirlərin görülməsi olmuşdur.

Öncə FHN Sumqayıt Regional Mərkəzinin əməkdaşları “Fövqəladə hallarda özünü necə aparmalı?,” “Təhlükədən qorunmağı hamı bacarmalıdır”  mövzularında çıxışlar etmişlər.

Sonra “Şəhərdə davranış qaydaları” və  “Balaca xilasedici və dostları” adlı cizgi filmləri nümayiş olundu. Cizgi filmləri uşaqların böyük marağına səbəb oldu.

Sonda Mərkəz tərəfindən “Fövqəladə hallar haqqında nə bilirik” mövzusunda hazırlanan test kitabçaları uşaqlara paylanıldı.

              

 

Digər məlumatlar

FHN-in Bakı Regional Mərkəzi nümunəvi dərs keçirib

Fövqəladə Hallar Nazirliyinin Bakı Regional Mərkəzi tərəfindən Azərbaycan Dövlət Dəniz Akademiyasında “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib. ...

Ardını oxu

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu