Geri

FHN Cənub Regional Mərkəzi maarifləndirmə tədbiri keçirmişdir

Fövqəladə Hallar Nazirliyinin Cənub Regional Mərkəzi 12 mart 2014-cü il tarixində V.M.Nəciyev adına Yardımlı şəhər 4 nömrəli orta məktəbində “Fövqəladə hallarda özünü necə aparmalı və yanğın təhlükəsizliyi vərdişlərinə hamı əməl etməlidir” mövzusu çərçivəsində maarifləndirmə tədbiri keçirmişdir.

Təbliğat xarakterli tədbirdə FHN Dövlət Yanğın Nəzarəti Xidmətinin Cənub Regional Dövlət Yanğın Nəzarəti İdarəsinin, Mülki müdafiə qoşunlarının Lənkəran Regional fövqəladə hallar və mülki müdafiə şöbəsinin, Dövlət Yanğından Mühafizə Xidmətinin Yardımlı rayon Dövlət Yanğından Mühafizə hissəsinin, Yardımlı rayon İcra Hakimiyyətinin, Təhsil şöbəsinin əməkdaşları, 4 nömrəli orta məktəbin şagirdləri, müəllim kollektivi, texniki işçiləri və valideynlər iştirak etmişlər.

Tədbirdə çıxış edən natiqlər belə tədbirlərin əhəmiyyətindən danışdımış və qeyd etmişlər ki, müəllimlərin mülki müdafiə işinin təşkilini, onun məqsədini, əhəmiyyətini və fövqəladə hallar zamanı davranış qaydalarını bilmələri və bu bilikləri şagirdlərə və məktəbin digər işçilərinə çatdırmaları olduqca vacibdir. Belə olarsa, məktəblərdə şagirdlər və müəllim heyəti xilasedicilər gələnə qədər öz təhlükəsizliklərini müstəqil təmin edə bilərlər.

Sonra təbii və texnogen xarakterli fövqəladə hadisələr zamanı davranış qaydaları, ilkin tibbi yardımın düzgün göstərilmə üsul və mexanizmləri, fərdi mühafizə vasitələrindən və ilkin yanğınsöndürmə avadanlıqlarından istifadə qaydaları, eləcə də yanğın və texniki təhlükəsizlik qaydalarının tələblərinə düzgün riayət olunmasına nəzarətin gücləndirilməsi sahəsində müəllim və şagird heyətinin maarifləndirilməsi məqsədilə “Partlayış və yanğın, onlara qarşı təhlükəsizlik tədbirləri”, “İldırım hadisəsinin yaranma səbəbləri və yağışlı-şimşəkli havada ildırımdan qorunmaq üçün nə etməli?”, “Təhlükələr zamanı təşvişin, ajiotajın yaranmasının səbəbləri və qarşısının alınması”, “Qaz cihazlarının istismarı zamanı təhlükəsizlik qaydalarına ciddi riayət edilməlidir”  və “112” zəng mərkəzinə hansı hallarda zəng etmək lazımdır?” mövzularında geniş məlumatlar verilmiş və tədbir iştirakçılarını maraqlandıran  suallar ətraflı cavablandırılmışdır.

Tədbirin sonunda “Hansı hallarda “112” zəng mərkəzi ilə əlaqə saxlamaq lazımdır?”, “Yanğın təhlükəsizliyi qaydalarına hamı əməl etməlidir”, “Təbii qazdan istifadə etdikdə ehtiyatlı olun!”, “Təhsil müəssisələrində yanğın təhlükəsizliyi” və “Zəlzələ vaxtı, ondan əvvəl və sonra özünə və başqalarına kömək etməyi bacar” mövzularında hazırlanmış yaddaş kitabçaları və xəbərdarlıq vərəqələri tədbir iştirakçılarına paylanılmış, “Dəm qazından zəhərlənmə hallarının yaranma səbəbləri”nə dair videoçarx və xüsusi xilasetmə alət və avadanlıqları nümayiş olunmuş və göstərilən əyani vasitələrlə bağlı tədbir iştirakçılarını maraqlandıran suallar məruzəçilər tərəfindən ətraflı cavablandırılmışdır.

 

Digər məlumatlar

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu

BDU Elmi kitabxanasının əməkdaşları FHN-in Akademiyasında olublar

Bakı Dövlət Universitetinin (BDU) Elmi kitabxanasın direktoru Nigar İsmayılovanın rəhbərlik etdiyi nümayəndə heyəti Fövqəladə Hallar Nazirliyinin Akademiyasında qonaq olub. ...

Ardını oxu

FHN-in Qarabağ Regional Mərkəzi gecə təlimi keçirib

Fövqəladə Hallar Nazirliyinin Qarabağ Regional Mərkəzi “Sutkanın qaranlıq vaxtı baş vermiş fövqəladə hal zonasının işıqlandırılması və zərərçəkmişlərin xilas edilməsi” mövzusunda gecə təlimi keçirib. ...

Ardını oxu