Geri

FHN-in Şimal-qərb Regional Mərkəzi maarifləndirmə tədbiri keçirmişdir

25 noyabr 2014-cü il tarixində Fövqəladə Hallar Nazirliyinin Şimal-qərb Regional Mərkəzi və Şimal-qərb Regional Dövlət Yanğın Nəzarəti İdarəsinin əməkdaşları tərəfindən Şəki Tibb Kollecində “Təbii fəlakət və texnogen qəzalar zamanı davranış qaydaları, payız-qış mövsümündə yanğın təhlükəsizliyinin təmin olunması üçün qarşıda duran vəzifələr” mövzusunda maarifləndirmə tədbiri keçirilmişdir.

Kollecin müəllim, həkim və tələbə heyətinin iştirak etdiyi tədbirdə Şimal-qərb Regional Mərkəzinin və  Şimal-qərb Regional Dövlət Yanğın Nəzarəti İdarəsinin əməkdaşları çıxışlar etmişdir. Dinləyicilərə fövqəladə halların yaranma səbəbləri və onlardan mühafizə üsulları, ərazi üçün xarakterik olan təbii fəlakətlər, bu zaman davranış qaydaları, ehtimal olunan təbii və ya texnogen qəzaların qarşısının alınmasında, xəbərdar edilməsində maariflənmənin əhəmiyyəti, mülki müdafiə, nəqliyyat qəzaları, qaz təsərrüfatında yanğın, partlayış, zəhərlənmə təhlükəsindən necə mühafizə olunmalı, elektrik təsərrüfatı ilə bağlı yanğın təhlükəsizliyi tədbirləri, müəssisələrin təxliyyə planlarının hazırlanması, “112” qaynar telefon xətti və sair mövzular haqqında geniş məlumat verilmişdir. Çıxışlardan sonra “Dəm qazından ehtiyatlı olun!”, “Zəlzələ zamanı, ondan əvvəl və sonra nə etməli?” adlı qısametrajlı filmlər nümayiş olunmuşdur.

Tədbirin sonunda iştirakçıları maraqlandıran suallar cavablandırılmış və qarşılıqlı fikir mübadiləsi aparılmışdır.

 

Digər məlumatlar

FHN-in Bakı Regional Mərkəzi nümunəvi dərs keçirib

Fövqəladə Hallar Nazirliyinin Bakı Regional Mərkəzi tərəfindən Azərbaycan Dövlət Dəniz Akademiyasında “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib. ...

Ardını oxu

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu