Geri

FHN-in Gəncə Regional Mərkəzi Daşkəsən rayonunda maarifləndirmə tədbiri keçirmişdir

Fövqəladə Hallar Nazirliyi Gəncə Regional Mərkəzinin əməkdaşları 20 noyabr 2014-cü il tarixində Daşkəsən rayonu, Bayan kənd orta məktəbində “Qış mövsümündə təhlükəsizlik qaydaları” mövzusunda maarifləndirmə tədbiri keçirmişdir.

Tədbirdə payız-qış mövsümü ilə əlaqədar olaraq qızdırıcı və işıqlandırıcı cihazlardan daha çox istifadə olunduğu üçün şagirdlərin bu istiqamətdə maarifləndirilməsinin əhəmiyyəti qeyd edilmişdir. Şagirdlərə qızdırıcı və işıqlandırıcı cihazlarla davranarkən təhlükəsizlik qaydaları izah olunmuşdur. Dəm qazından zəhərlənmənin əlamətləri, ondan qorunma yolları, ilkin tibbi yardım qaydaları haqqında da məlumat verilmişdir.

Tədbirdə, həmçinin, “112” qaynar xətti ilə iihansı hallarda əlaqə saxlamaq lazımdır?”, “Zəlzələ zamanı davranış qaydaları ”, “Fəlakətlər zamanı ətrafdakı  insanlara kömək et”, “Qar və buz uzərində hərəkət qaydaları”, “Yanğından qorunun” mövzularında çıxışlar edilmişdir.

Sonda şagirdlərin sualları cavablandırılmışdır.

 

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu