Geri

FHN-in Nüvə və Radioloji Fəaliyyətin Tənzimlənməsi üzrə Dövlət Agentliyi Litvanın Səhiyyə Nazirliyinin Radiasiyadan Qorunma Mərkəzi və Layihələrin İdarə edilməsi üzrə Mərkəzi Agentliyi ilə birgə masaüstü təlim keçirmişdir

28 oktyabr 2014-cü il tarixində Avropa İttifaqı ilə həyata keçirilən “Azərbaycan Respublikasında radiasiya təhlükəsizliyi infrastrukturunun gücləndirilməsi və dəstəkləyici xidmətlərin inkişaf etdirilməsi” Tvininq layihəsi çərçivəsində Azərbaycan Respublikası Fövqəladə Hallar Nazirliyi Nüvə və Radioloji Fəaliyyətin Tənzimlənməsi üzrə Dövlət Agentliyi tərəfdaş olduğu Litva Respublikası Səhiyyə Nazirliyinin Radiasiyadan Qorunma Mərkəzi və Layihələrin İdarə edilməsi  üzrə Mərkəzi Agentliyi ilə birgə “Heydər Əliyev Beynəlxalq Aeroportunda qəsdən “çirkli bomba” partladıldığı halda mülki müdafiə strukturlarının hərəkəti” mövzusunda masaüstü təlim keçirmişdir. Təlim 2015-ci ildə  keçiriləcək “Bakı 2015 Avropa Oyunlarına” hazırlıqla əlaqədar təşkil edilmişdir.

Masaüstü təlimin əsas məqsədi müvafiq qurumların baş verə biləcək hər hansı böyük radioloji qəza hallarında cavab tədbirlərinin həyata keçirilməsinə dair hazırlığının gücləndirilməsi olmuşdur.  

Təlimə Fövqəladə Hallar,  Səhiyyə, Ekologiya və Təbii Sərvətlər, Daxili İşlər, Milli Təhlükəsizlik nazirliklərinin,  Dövlət Gömrük Komitəsi, Dövlət Sərhəd Xidməti, Bakı Şəhər İcra Hakimiyyətinin müvafiq  strukturları və Heydər Əliyev Beynəlxalq aeroportunun Təhlükəsizlik İdarəsinin əməkdaşları cəlb olunmuşlar.

Təlimin rəhbəri, FHN-in Nüvə və Radioloji Fəaliyyətin Tənzimlənməsi üzrə Dövlət Agentliyinin rəis əvəzi Vüqar Hüseynov və təlimin koordinatoru, Litva Radiasiyadan Qorunma Mərkəzinin şöbə müdiri Danute Şidişkenenin sədrlik etdikləri masaütü təlimdə radioloji qəza şəraitində cavabvermə tədbirlərinin ümumi idarə olunması, əhali və kütləvi informasiya vasitələrinin məlumatlandırılması, ətraf mühitin yüksək radioloji çirklənməsi zamanı müvafiq orqan və təşkilatların birgə fəaliyyət göstərməsi, radioloji qəzaların nəticələrinin aradan qaldırılması zamanı ətraf mühit və insanların radioaktiv çirklənməsinin qiymətləndirilməsi və radioaktiv maddələrin təsiri nəticəsində xəsarət almış, şüalanmaya və ya radioloji çirklənməyə məruz qalmış şəxslərə tibbi yardım göstərilməsinə hazırlıq məsələləri, həmçinin, 

beynəlxalq yardım alınması üçün müraciət qaydası qiymətləndirilmişdir.

 

 

Digər məlumatlar

FHN-in Muğan Regional Mərkəzi taktiki-xüsusi məşğələ keçirib

Fövqəladə Hallar Nazirliyinin Muğan Regional Mərkəzi 6-8 sentyabr 2021-ci il tarixlərində Xüsusi Xilasetmə Hissəsinin xilasediciləri, Mərkəzin xidməti ərazisində yerləşən Biləsuvar, Hacıqabul, Sabirabad və Şirvan şəhər Dövlət Yanğından Mühafizə dəstələrinin tərkibində fəaliyyət göstərən xilasedicilərlə birlikdə taktiki-xüsusi məşğələ keçirib. ...

Ardını oxu

FHN-in Dövlət Yanğın Nəzarəti Xidməti istirahət mərkəzlərində maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti mehmanxana və istirahət tipli obyektlərdə yanğın təhlükəsizliyi qaydaları tələblərinin pozulmasının qarşısını almaq, bu sahədə fəaliyyət göstərən əməkdaşları yanğın təhlükəsizliyi ilə bağlı maarifləndirmək məqsədilə... ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

Fövqəladə Hallar Nazirliyinin Dövlət Yanğın Nəzarəti Xidmətinin 3-cü ərazi Dövlət Yanğın Nəzarəti İdarəsi tərəfindən Bakı şəhəri, Xətai rayonu, Ağ şəhər ərazisində inşa edilən “Evim Park” MTK-ya məxsus yaşayış binasında “Tikintidə yanğın təhlükəsizliyi” mövzusunda maarifləndirmə tədbiri keçirilib. ...

Ardını oxu