Geri

FHN Şimal-qərb Regional Mərkəzi Qəbələ rayonunda maarifləndirmə tədbiri keçirmişdir

Fövqəladə Hallar Nazirliyinin Şimal-qərb Regional Mərkəzi 20 iyul 2013-cü il tarixində “Fövqəladə hallarda özünü necə aparmalı” mövzusunda növbəti maarifləndirmə tədbirini Qəbələ rayon Gigiyena və Epidemiologiya mərkəzində keçirmişdir.

Tədbirin keçirilməsində əsas məqsəd baş verə biləcək fövqəladə hadisələrin qarşısının vaxtında alınması, fövqəladə hallar zamanı insanlar arasında davranış qaydalarına əməl etmə vərdişlərinin təkmilləşdirilməsi, fövqəladə hallar zamanı yoluxucu xəstəliklərin yayılmasının qarşısının alınması, insanların epidemiyalardan qorunması, bu sahədə təbliğat işlərini gücləndirmək, bu istiqamətdə Gigiyena və Epidemiologiya mərkəzi əməkdaşları ilə qarşılıqlı fikir mübadiləsi aparılması olmuşdur.

Əvvəlcə, Gigiyena və Epidemiologiya mərkəzi, onun strukturu, fəaliyyət istiqamətləri haqqında geniş məlumat verilərək baş verə biləcək müəyyən fövqəladə hadisələrin qarşısının alınmasında bu qurumun üzərinə düşən vəzifələrdən danışılmışdır.

Sonra Mərkəzin əməkdaşları iştirakçılara “Təhlükəli və yoluxucu xəstəliklərdən insanların qorunmasında təbliğatın rolu”, “Ərazi üçün xarakterik olan təbii fəlakətlər”, “Fövqəladə hallarda davranış qaydaları”, “İnsanların, heyvanların və bitkilərin kütləvi şəkildə infeksion xəstəliklərə yoluxması – fövqəladə halların bir növü kimi” və s. mövzularda ətraflı məlumatlar vermiş, daha sonra mövzu ətrafında fikir mübadiləsi aparılmışdır.

 

Digər məlumatlar

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu

BDU Elmi kitabxanasının əməkdaşları FHN-in Akademiyasında olublar

Bakı Dövlət Universitetinin (BDU) Elmi kitabxanasın direktoru Nigar İsmayılovanın rəhbərlik etdiyi nümayəndə heyəti Fövqəladə Hallar Nazirliyinin Akademiyasında qonaq olub. ...

Ardını oxu

FHN-in Qarabağ Regional Mərkəzi gecə təlimi keçirib

Fövqəladə Hallar Nazirliyinin Qarabağ Regional Mərkəzi “Sutkanın qaranlıq vaxtı baş vermiş fövqəladə hal zonasının işıqlandırılması və zərərçəkmişlərin xilas edilməsi” mövzusunda gecə təlimi keçirib. ...

Ardını oxu