Geri

Azərbaycan xalqının ümummilli lideri Heydər Əliyevin 90 illik yubileyinə həsr olunmuş “Gənc xilasedici və yanğınsöndürən” zona yarışları keçirilmişdir

Mayın 23-də Fövqəladə Hallar Nazirliyinin Cənub Regional Mərkəzində məktəblilər arasında Azərbaycan xalqının ümummilli lideri Heydər Əliyevin 90 illik yubileyinə həsr olunmuş Gənc xilasedici və yanğınsöndürən” zona yarışları keçirilmişdir.

Tədbir zamanı dünya miqyaslı siyasətçi, Azərbaycan milli dövlətçiliyini bütün təhlükələrdən xilas edib qoruyan və inkişaf etdirən görkəmli dövlət xadimi Heydər Əliyevin həyat və fəaliyyəti, çətin tarixi sınaqlara məruz qalmış müstəqil Azərbaycan Respublikasının taleyində oynadığı əvəzedilməz rolu, müstəqilliyə yenicə qədəm qoymuş gənc dövlətimizin beynəlxalq nüfuzunun artmasında ulu öndərimiz Heydər Əliyevin uzaqgörən siyasəti, azərbaycanlı gənclərin formalaşması, ixtisaslaşması və müxtəlif sahələrdə layiqincə təmsil olunması sahəsində gördüyü işlər barədə tədbir iştirakçılarına ətraflı məlumat verilmişdir.

Azərbaycan xalqının ümummilli lideri Heydər Əliyevin 90 illik yubileyi münasibətilə keçirilən yarışda FHN-in Cənub Regional Mərkəzinin əhatə etdiyi ərazidə yerləşən Lerik şəhər 1 saylı texniki fənlər təmayüllü lisey, Astara şəhər 1, Cəlilabad şəhər 2, Lənkəran şəhər 9, Masallı şəhər 1 və Yardımlı rayon Çayüzü kənd orta məktəblərinin komandaları güclərini sınamışlar.

Yarış dörd mərhələdən: kombinə edilmiş yanğın estafeti, maneələr zolağı, komandaların təqdimatı və gənc ekspertlər müsabiqəsi adlı mərhələlərdən ibarət olmuşdur.

Gərgin mübarizə şəraitində keçən yarışın yekunlarına əsasən, Lənkəran şəhər 9 saylı orta məktəbi I, Lerik şəhər 1 saylı texniki fənlər təmayüllü liseyi II və Masallı şəhər 1 saylı orta məktəbi III yeri tutmuşdur.

Yarışda fərqlənmiş komandalar kubok və fəxri fərmanlarla təltif olunmuşlar. I və II yeri tutan komandalar Azərbaycan xalqının ümummilli lideri Heydər Əliyevin 90 illik yubileyi münasibətilə keçiriləcək “Gənc xilasedici və yanğınsöndürən” ümumrespublika yarışlarında iştirak etmək hüququ əldə etmişlər.

 

 

 

 

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu