Geri

FHN Qarabağ Regional Mərkəzi maarifləndirmə tədbiri keçirmişdir

25 aprel 2013-cü il tarixində Fövqəladə Hallar Nazirliyinin Qarabağ Regional Mərkəzinin əməkdaşları F.Mehdiyev adına Horadiz şəhər 2 saylı məktəbdə “Yanğın təhlükəsizliyi qaydalarına hamı əməl etməlidir“ mövzusunda maarifləndirmə tədbiri keçirmişdir.  

Tədbirin keçirilməsində məqsəd təhsil müəssisəsinin kollektivini təbii və texnogen xarakterli qəzalar zamanı düzgün davranış qaydaları barədə maarifləndirməklə yanaşı, onların sözügedən sahədə bilik və bacarıqlarını artırmaq, eləcə də məişətdə, təhsil müəssisələrində elektrik avadanlıqlarından istifadə edərkən yanğın və texniki təhlükəsizlik qaydalarına ciddi riayət edilməsi olmuşdur. Tədbirdə Mərkəzin əməkdaşları ilə yanaşı Qarabağ Regional Dövlət Yanğın Nəzarəti İdarəsinin, Füzuli rayon Dövlət Yanğından Mühafizə Hissəsinin və rayon Təhsil şöbəsinin əməkdaşları da iştirak etmişlər.

Mərkəz əməkdaşları məktəb kollektivinə Fövqəladə Hallar Nazirliyinin yaranması, Qarabağ Regional Mərkəzinin fəaliyyət istiqamətləri barəsində ətraflı məlumat vermiş, “Fövqəladə halların başvermə səbəbləri və təsnifatı“, “Yanğın təhlükəsizliyi qaydaları”, “Sel və daşqınlar zamanı davranış qaydaları”, “112” qaynar xətti-təhlükəsizliyimizin qarantıdır”, “Məktəbimizi yanğından qoruyaq” mövzularında çıxışlar etmişlər.

Həmçinin, tədbir zamanı zəlzələ baş verərkən düzgün davranış qaydaları izah olunmuşdur. Sonra məktəb siniflərinin biridə şərti “Zəlzələ” həyəcanı elan edilmişdir. Şagirdlər tərəfindən dərs gedişində baş verən zəlzələ zamanı təhlükəli zonadan təxliyyə prosesi qaydalara müvafiq olaraq nümayiş etdirilmişdir.

Sonra iştirakçıları maraqlandıran suallar cavablandırılmış, onlarla fikir mübadiləsi aparılmışdır.

Daha sonra baş verə biləcək yanğın hadisələrinin qarşısını almaq məqsədi ilə Mərkəz əməkdaşları və rayon Dövlət Yanğından Mühafizə Hissəsinin nümayəndəsi tərəfindən məktəbin inzibati və yardımçı binalarındakı mövcud elektrik təsərrüfatına baxış keçirilmiş, yanğın hadisələrinə səbəb ola biləcək amillərin aradan qaldırılması yolları haqda məktəb rəhbərliyinə bəzi təkliflər verilmişdir.

Digər məlumatlar

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu

BDU Elmi kitabxanasının əməkdaşları FHN-in Akademiyasında olublar

Bakı Dövlət Universitetinin (BDU) Elmi kitabxanasın direktoru Nigar İsmayılovanın rəhbərlik etdiyi nümayəndə heyəti Fövqəladə Hallar Nazirliyinin Akademiyasında qonaq olub. ...

Ardını oxu

FHN-in Qarabağ Regional Mərkəzi gecə təlimi keçirib

Fövqəladə Hallar Nazirliyinin Qarabağ Regional Mərkəzi “Sutkanın qaranlıq vaxtı baş vermiş fövqəladə hal zonasının işıqlandırılması və zərərçəkmişlərin xilas edilməsi” mövzusunda gecə təlimi keçirib. ...

Ardını oxu