Geri

Maarifləndirmə tədbirləri davam etdirilir

Şimal Regional Mərkəzi tərəfindən qış mövsümü ilə əlaqədar baş verə biləcək fövqəladə hadisələrlə bağlı 20 dekabr 2013-cü il tarixində Quba rayonu, Qırmızı Qəsəbə İsaak Xanikov adına 1 saylı orta məktəbində “Fövqəladə hal zamanı özünü necə aparmalı” mövzusunda növbəti maarifləndirmə tədbiri keçirilmişdir.

Tədbirin keçirilməsində məqsəd müəllim və şagirdlərin təbii və texnogen mənşəli fövqəladə hallardan qorunmaq, özünə və digərlərinə kömək etmək, ilkin tibbi yardımın göstərilməsi və yanğın təhlükəsizliyi sahəsində biliklərin aşılanması olmuşdur.

Tədbirdə Mərkəzin əməkdaşları ilə yanaşı Quba Rayon Dövlət Yanğından Mühafizə Hissəsi və Quba rayon Təhsil şöbəsinin əməkdaşları, məktəbin müəllim və şagird heyəti iştrak etmişdir.

Tədbirin giriş hissəsində Fövqəladə Hallar Nazirliyinin fəaliyyət istiqamətləri, fövqəladə halların yaranma səbəbləri, Şimal Regional Mərkəzinin regionda fəaliyyəti, təhsil müəssisələri ilə qarşılıqlı fəaliyyətin əhəmiyyəti, fövqəladə hadisələrdən mühafizə olunmağımızda “112” qaynar xəttinin rolu, zəlzələ, daşqınlar və torpaq sürüşməsi kimi fövqəladə hallar zamanı davranış qaydaları, yanğınların baş vermə səbəbləri və yanğınların qarşısının alınması, yanğın zamanı davranış qaydaları, təhsil müəssisələrində yanğın təhlükəsizliyi qaydaları və s. haqqında müəllim və şagirdlərə ətraflı məlumatlar verilmiş, dəm qazı ilə bağlı videoslayd nümayiş etdirilmişdir.

Həmçinin, məktəbin elektrik təsərrüfatına və mövcud ehtiyat çıxış yollarına baxış keçirilmiş və məktəb rəhbərliyinə müvafiq tapşırıq və tövsiyələr verilmişdir.

Tədbirin sonunda müəllim və şagirdləri maraqlandıran suallar mərkəz əməkdaşları tərəfindən cavablandırılmışdır.

 

Digər məlumatlar

FHN-in Tibb xidməti seminarlar keçirib

Fövqəladə Hallar Nazirliyinin Tibb Xidməti tərəfindən Nazirliyin əməkdaşları üçün Bakı, Lənkəran, Şirvan şəhərlərində, Salyan, Şamaxı, Qəbələ və Şəki rayonlarında seminarlar keçirilib. ...

Ardını oxu

FHN-in Cənub Regional Mərkəzi “dəyirmi masa” keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran şəhər bələdiyyəsində “Fövqəladə halların qarşısının alınması və nəticələrinin aradan qaldırılması sahəsində yerli icra qurumları və özünü idarə orqanları ilə qarşılıqlı fəaliyyətin təşkili” mövzusunda “dəyirmi masa” keçirilib. ...

Ardını oxu

FHN-in Şimal-qərb Regional Mərkəzi rəhbər heyətin nümunəvi mülki müdafiə məşqi təşkil edib

Fövqəladə Hallar Nazirliyinin Şimal-qərb Regional Mərkəzi tərəfindən “Meliorasiya və Su Təsərrüfatı” ASC-nin Şəki Suvarma Sistemləri İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu