Geri

FHN Muğan Regional Mərkəzi növbəti maarifləndirmə tədbiri keçirmişdir

Fövqəladə Hallar Nazirliyi Muğan Regional Mərkəzinin əməkdaşları noyabr ayının 27-də Hacıqabul şəhər 4 saylı orta məktəbdə payız-qış mövsümü ilə əlaqədar ”Fövqəladə hallarda özünü necə aparmalı” mövzusunda maarifləndirmə tədbiri keçirmişdir.

Maarifləndirmə tədbirində əsas məqsəd məktəblilərin fövqəladə hallar zamanı davranış qaydaları, baş verə biləcək yanğın, partlayış və digər fövqəladə hadisələrin qarşısının alınması məqsədilə profilaktik tədbirlərin görülməsinə nail olmaqdır.

İlk növbədə, Muğan Regional Mərkəzinin əməkdaşları tədbirin məqsəd və məramını açıqlamış, son vaxtlar respublikamızda baş vermiş yanğın hadisələri, nəqliyyat qəzaları, dəm qazından boğulma halları zamanı həlak olanların və xəsarət alanların sayı haqqında məlumat vermiş və tədbir iştirakçılarını həyat fəaliyyətlərində daha diqqətli olmağa çağırmışlar. Eləcə də Fövqəladə Hallar Nazirliyinin yaranması, fəaliyyəti, strukturu və “112” zəng mərkəzinin fəaliyyəti haqqında tədbir iştirakçılarının nəzərinə ümumiləşdirilmiş məlumatlar çatdırılmışdır. Daha sonra yanğın təhlükəsizliyi, qarşıda duran vəzifələr və həlli yolları haqqında plakat-slaydlar vasitəsilə məktəbin tədbirdə iştirak edən müəllim və şagird kollektivinə geniş məlumatlar verilmişdir.

Tədbirin gedişatında yuxarıda sadalanan mövzuları məktəblilərə daha dolğun çatdırılması məqsədilə videoçarxlar nümayiş olunmuşdur.

Yekunda məktəbin müəllim və şagird heyətinin sualları Mərkəzin əməkdaşları tərəfindən cavablandırılmış, şagirdlərin maarifləndirilməsi məqsədi ilə əyani vəsaitlər paylanılmışdır.

Digər məlumatlar

FHN-in Şimal Regional Mərkəzi rəhbər heyətin nümunəvi mülki müdafiə məşqini təşkil edib

Fövqəladə Hallar Nazirliyinin Şimal Regional Mərkəzi tərəfindən Elm və Təhsil Nazirliyinin Quba-Xaçmaz Regional Təhsil İdarəsində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda rəhbər heyətin nümunəvi mülki müdafiə məşqi keçirilib. ...

Ardını oxu

FHN-in Cənub Regional Mərkəzi nümunəvi dərs keçirib

Fövqəladə Hallar Nazirliyinin Cənub Regional Mərkəzi tərəfindən Lənkəran Dövlət Universitetinin nəzdində Sosial və Aqrar Texnoloji Kollecində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib. ...

Ardını oxu

FHN-in Gəncə Regional Mərkəzi nümunəvi dərs keçirib

Fövqəladə Hallar Nazirliyinin Gəncə Regional Mərkəzi tərəfindən Azərbaycan Texnologiya Universitetində “Əhalinin fövqəladə hallar zamanı mühafizəsinin təşkili” mövzusunda nümunəvi dərs keçirilib. ...

Ardını oxu