Geri

Maarifləndirmə tədbirləri davam etdirilir

2012-ci ilin iyul-avqust aylarında Fövqəladə Hallar Nazirliyinin Sumqayıt Regional Mərkəzinin və Sumqayıt Regional Dövlət Yanğın Nəzarəti İdarəsinin əməkdaşları birgə Xızı rayonunun Baxışlı kəndi və Altıağac qəsəbəsində yerləşən meşə sahələrində, eləcə də istirahət mərkəzlərində olmuş, orada istirahət edən əhali arasında yanğın təhlükəsizliyi qaydaları haqqında maarifləndirici söhbətlər aparmışlar.

Bundan başqa, taxıl zəmilərində baş verən yanğınlar zamanı davranış qaydaları haqqında yerli əhali arasında maarifləndirmə tədbirləri də həyata keçirilmişdir. Dağlıq ərazilərdə baş verən yanğınların qarşısının alınması və söndürülməsi zamanı təxirəsalınmaz tədbirlərin həyata keçirilməsində, ağır texnikaların hadisə yerinə yaxınlaşa bilməsində yerli əhaliyə onların edə biləcəyi köməkliyin vacibliyi izah edilmişdir.

Rayonun Vərdəh, Baxışlı kəndləri, Altıağac və Xızı qəsəbələrinin sürüşmə zonalarında yaşayan əhali ilə də maarifləndirici söhbətlər aparılmışdır. Əhaliyə sürüşmə zamanı davranış qaydaları haqqında ətraflı məlumatlar çatdırılmışdır.

Meşə və meşəətrafı ərazilərdə, mövsümi istirahət zonalarında, quru ot sahələrində yanğınların baş verməməsi və qarşısının alınması məqsədilə FHN Sumqayıt Regional Mərkəzi tərəfindən əhali arasında maarifləndirmə tədbirləri davam etdirilir.

Digər məlumatlar

FHN-in Sumqayıt Regional Mərkəzi “Narkomaniyanın insan orqanizmində törətdiyi fəsadlar və onun müalicəsi” mövzusunda maarifləndirmə tədbiri keçirib

Fövqəladə Hallar Nazirliyinin Sumqayıt Regional Mərkəzi “Narkomaniyanın insan orqanizmində törətdiyi fəsadlar və onun müalicəsi” mövzusunda tədbir təşkil edib. ...

Ardını oxu

FHN-in Sumqayıt Regional Mərkəzi nümunəvi mülki müdafiə məşqi keçirib

Fövqəladə Hallar Nazirliyinin Sumqayıt Regional Mərkəzi tərəfindən Xızı rayon hərbiləşdirilməmiş ərazi mülki müdafiə qüvvələri ilə xəbərdarlıq və toplanış üzrə nümunəvi mülki müdafiə məşqi keçirilib. ...

Ardını oxu

INSARAG sinifləndirilməsinə hazırlıq məqsədilə növbəti kurslar keçirilib

2-6 avqust 2022-ci il tarixlərində Azərbaycan Respublikası Fövqəladə Hallar Nazirliyinin Beynəlxalq Axtarış-xilasetmə Dəstəsinin BMT-nin Humanitar Məsələlərin Əlaqələndirilməsi Ofisinin ...

Ardını oxu