Geri

FHN-in Şimal-qərb Regional Mərkəzində metodiki toplanış keçirilib

Fövqəladə Hallar Nazirliyinin Şimal-qərb Regional Mərkəzində “2022-ci ildə mülki müdafiə sahəsində görülmüş işlərin yekunları və 2023-cü ildə qarşıda duran vəzifələr” mövzusunda metodiki toplanış keçirilib.

Toplanışın keçirilməsində məqsəd şəhər və rayonların ərazisində mülki müdafiə işinin mövcud vəziyyətinin təhlili, fövqəladə hadisələrdən qorunma sahəsində əhalinin hazırlanması, biliklərin təbliği və mülki müdafiə dəstələrinin daimi hazırlığının təmin edilməsinə diqqətin artırılması, müvafiq maarifləndirmə işlərinin intensivləşdirilməsi, bu sahədə mövcud problemlərin müzakirəsi və həlli yollarının tapılmasından ibarət olub.

Tədbirdə FHN-in Şimal-qərb Regional Mərkəzinin əməkdaşları və Regional Mərkəzin dislokasiya ərazisini əhatə edən Rayon İcra hakimiyyətlərinin Mülki müdafiə qərargah rəisləri iştirak ediblər.

Toplanışda çıxış edən Şimal-qərb Regional Mərkəzinin rəis müavini polkovnik-leytenant Ceyhun Babayev tədbirin əhəmiyyətindən bəhs edib, mülki müdafiə sahəsində birgə fəaliyyətin vacibliyini vurğulayıb.

Sonra Mərkəzin Mülki müdafiə idarəsinin rəisi polkovnik-leytenant Eldəniz Mehdiyev çıxış edərək Regional Mərkəzin əhatə etdiyi rayonların ərazisində mülki müdafiə sahəsində mövcud vəziyyət və problemlər, onların həlli yolları barədə ətraflı məlumat verib.

Həmçinin, Şimal-qərb Regional Mərkəzinin əməkdaşları tərəfindən dislokasiya ərazisinə daxil olan rayonlarda yerləşən mülki müdafiə obyektlərində keçirilmiş monitorinqin nəticələri haqqında toplanış iştirakçılarına məlumat verilib. Qeyd olunub ki, cari ilin təqviminə uyğun olaraq rayon ərazisində yerləşən idarə və təşkilatlara mülki müdafiə üzrə metodiki yardım göstərilib.

Toplanışın sonunda mövzu ilə bağlı müzakirələr aparılıb, təkliflər dinlənilib və suallar cavablandırılıb.

Digər məlumatlar

Sumqayıtda “Mülki aviasiyada axtarış və xilasetmə işlərinin təşkili” mövzusunda seminar keçirilib

FHN-in Sumqayıt Regional Mərkəzində Nazirliyin Baş əməliyyat idarəsinin təşkilatçılığı ilə “Mülki aviasiyada axtarış və xilasetmə işlərinin təşkili” mövzusunda seminar keçirilib. ...

Ardını oxu

FHN Bərdədə seminar-müşavirə keçirib

Fövqəladə Hallar Nazirliyinin Qarabağ Regional Mərkəzinin təşkilatçılığı ilə Bərdə Rayon İcra Hakimiyyətində “Rayon Fövqəladə Hallar Komissiyası ilə FHN-in yerli struktur bölmələrinin qarşılıqlı fəaliyyəti” mövzusunda seminar-müşavirə keçirilib. ...

Ardını oxu

FHN-in Muğan Regional Mərkəzi “dəyirmi masa” keçirib

Fövqəladə Hallar Nazirliyinin Muğan Regional Mərkəzi tərəfindən Şirvan Şəhər İcra Hakimiyyətində “Fövqəladə halların nəticələrinin aradan qaldırılması sahəsində Nazirliyin yerli qurumları ilə rayon icra hakimiyyəti və özünüidarəetmə orqanları, eləcə də xidmət sahələri arasında qarşılıqlı fəaliyyət, qarşıda duran vəzifələr və problemlər” mövzusunda “dəyirmi masa” keçirilib. ...

Ardını oxu