Məlumatlar
FHN-in şəhər axtarış-xilasetmə dəstəsinin INSARAG sinifləndirilməsindən keçməsi məqsədi ilə əlaqələndirici ölkə olan Türkiyə Respublikasının ekspertləri ilə növbəti görüşlər keçirilmişdir
GeriAzərbaycan Respublikası Fövqəladə Hallar Nazirliyinin şəhər axtarış-xilasetmə dəstəsinin INSARAG (Beynəlxalq Axtarış və Xilasetmə Məsləhət Qrupu) sinifləndirilməsindən keçməsi məqsədi ilə əlaqələndirici ölkə olan Türkiyə Respublikasının ekspertləri ilə növbəti görüşlər keçirilmişdir.
Proqram çərçivəsində FHN-in Mülki Müdafiə Qoşunları və Xüsusi Riskli Xilasetmə Xidmətinin nəzdində fəaliyyət göstərən dəstə üzvləri ilə görüşlər olmuş, nazirliyin qurumları tərəfindən istifadə edilən avadanlıq, texnika və kinoloji xidmətə baxış və qiymətləndirmə keçirilmişdir.
Bununla yanaşı, FHN-in Akademiyasının kursant-xilasedicilərinin dərs proqramı və sinif otaqları ilə də tanışlıq olmuşdur. Tanışlığın məqsədi şəhər axtarış-xilasetmə dəstəsinin gələcəkdə INSARAG sinifləndirilməsinə hazırlıq prosesində tətbiq olunan qaydalara uyğunlaşdırılması və təlim işinin qurulmasıdır.
FHN-in ŞAX axtarış-xilasetmə dəstəsi INSARAG sinifləndirilməsinin birinci fazasına daxil olmuşdur.
