AZƏRBAYCAN RESPUBLİKASININ FÖVQƏLADƏ HALLAR NAZİRİLİYİ

KİÇİKHƏCMLİ GƏMİLƏRƏ NƏZARƏT VƏ SULARDA XİLASETMƏ DÖVLƏT XİDMƏTİ



Geri

Sularda xilasetmə çoxnövçülüyü üzrə çempionata yekun vurulmuşdur

13 iyun 2018-ci il tarixində Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin və Fövqəladə Hallar Nazirliyi işçilərinin Həmkarlar İttifaqının təşkilatçılığı ilə Xidmətin struktur bölmələri arasında 15 iyun Milli Qurtuluş Gününün 25 illiyinə həsr olunmuş “Sularda xilasetmə çoxnövçülüyü” üzrə çempionat başa çatmışdır.

Dövlət Yanğından Mühafizə Xidmətinin Bakı Neft Emalı Müəssisələrinin Mühafizəsi üzrə Yanğından Mühafizə Dəstəsinin idman bazasında keçirilən və üç gün davam edən yarışda ümumilikdə 10 komanda iştirak etmişdir. 

Gərgin idman mübarizəsi şəraitində keçən yarışda Bakı Dalğıc Axtarış Qrupunun komandası 1-ci yerə, Zağulba Dalğıc Axtarış Qrupunun komandası 2-ci yerə, Corat Sularda Xilasetmə Məntəqəsinin komandası isə 3-cü yerə çıxmışdır.

Tədbirdə Kiçik Həcmli Gəmilərə Nəzarət və Sularda Xilasetmə Dövlət Xidmətinin rəis müavini Elxan Cəbiyev və Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov iştirak etmişdir.

Mükafatlandırma mərasimində çıxış edən Fövqəladə Hallar Nazirliyi işçilərinin Həmkarlar İttifaqının sədri Mehman İsmayılov iştirakçıları təbrik edərək onlara gələcək yarışlarda uğurlar arzulamışdır. O, 15 iyun - Milli Qurtuluş Gününün  tarixi əhəmiyyətindən danışaraq qeyd etmişdir ki, hər bir xalqın milli yaddaşında unudulmaz tarixi anlar olur. Məhz bu gün Azərbaycan tarixində xalqın gələcək taleyi və müstəqilliyin qorunub saxlanması baxımından xüsusilə əhəmiyyətlidir.

Sonda qaliblərə FHN işçilərinin Həmkarlar İttifaqının kubok, medal, diplom və qiymətli hədiyyələri təqdim edilmişdir.

Digər məlumatlar

Azərbaycan Respublikasının fövqəladə hallar naziri Kəmaləddin Heydərov Gəncə şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  25 yanvar 2019-cu il tarixində Gəncə şəhərində, Fövqəladə Hallar Nazirliyinin Gəncə Regional Mərkəzinin binasında saat 11.00-dan vətəndaşların qəbulu keçiriləcəkdir. ...

Ardını oxu

Fövqəladə Hallar Nazirliyi gücləndirilmiş iş rejimində çalışacaq

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun xəbərdarlığına əsasən, Abşeron yarımadası, Xəzər dənizi Akvatoriyasında və respublikamızın rayonlarında......

Ardını oxu

FHN-in Kiçikhəcmli Gəmilərə Nəzarət və Sularda Xilasetmə Dövlət Xidməti maarifləndirmə tədbiri keçirmişdir

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti FHN-in Bakı Regional Mərkəzinin əməkdaşları ilə birgə 11 yanvar 2019-cu il tarixində Sabunçu rayonunun Nardaran qəsəbəsində kiçikhəcmli gəmi istifadəçiləri üçün maarifləndirmə tədbiri keçirmişdir. ...

Ardını oxu