AZƏRBAYCAN RESPUBLİKASININ FÖVQƏLADƏ HALLAR NAZİRİLİYİ

DÖVLƏT YANĞIN NƏZARƏTİ XİDMƏTİ





Geri

DYNX məscid və kilsələrdə yanğına qarşı maarifləndirmə tədbirlərini davam etdirir

FHN-in Dövlət Yanğın Nəzarəti Xidməti yanğına qarşı təbliğat xarakterli növbəti tədbirlərini 6-7 fevral 2018-ci il tarixlərində Sabunçu rayonunda yerləşən İmam Rza və Qaraçuxur məscidlərində, Xətai rayonunda yerləşən Keşlə Şahabbas Cümə Məscidində və “Müqəddəs Məryəm Ana” katolik kilsəsində keçirmişdir. Tədbirlərin keçirilməsində məqsəd məscid və kilsələrin yanğın təhlükəsizliyi ilə bağlı əhalini maarifləndirmək, bu istiqamətdə həyata keçirilən işlərin səmərəsini artırmaq olmuşdur.

Keçirilmiş görüşlərdə yanğın təhlükəsizliyi  qaydaları haqqında ətraflı məlumat verilmiş, ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, elektrik təsərrüfatının saz vəziyyətdə olması, yanğına qarşı su təchizatına (su hovuzları, su kəmərləri, su çənləri, su hidrantları) qayğı ilə yanaşılmasının  vacibliyi  qeyd olunmuşdur.

Tədbirlərdə ilkin yanğınsöndürmə vasitələrindən istifadə qaydaları əyani olaraq nümayiş etdirilmiş, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri tədbir iştirakçılarına paylanmışdır.

Digər məlumatlar

Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiyanın növbəti ekspert görüşü keçirilmişdir

15 fevral 2018-ci il tarixində Bakıda Azərbaycan Respublikası Hökuməti ilə Qətər Dövləti Hökuməti arasında Birgə İqtisadi, Ticarət və Texniki Komissiyanın hər iki tərəfdən olan nümayəndə heyətinin iştirakı ilə növbəti ekspert görüşü keçirilmişdir. ...

Ardını oxu

DYNX məscidlərdə maarifləndirmə tədbirlərini davam etdirir

FHN-in Dövlət Yanğın Nəzarəti Xidməti növbəti maarifləndirmə tədbirini 8 fevral 2018-ci il tarixində Nəsimi rayonunda yerləşən Hacı Əjdərbəy və Səbail rayonunda yerləşən Bibiheybət məscidlərində keçirmişdir. Tədbirlərin keçirilməsində məqsəd ibadət yerlərinin yanğın təhlükəsizliyi ilə bağlı əhalini maarifləndirmək, bu istiqamətdə həyata keçirilən işlərin səmərəsini artırmaq olmuşdur. ...

Ardını oxu

FHN-in Dövlət Yanğın Nəzarəti Xidməti məcburi köçkünlərin məskunlaşdığı yataqxanalarda yanğına qarşı təbliğat günlərini davam etdirir

Fövqəladə Hallar Nazirliyinin Dövlət Yanğın Nəzarəti Xidməti Məcburi Köçkünlərin Sosial  İnkişaf  Fondunun müraciəti əsasında  1-2  fevral  2018-ci il tarixlərində Bərdə şəhərində yerləşən Dövlət İqtisadiyyat......

Ardını oxu