AZƏRBAYCAN RESPUBLİKASININ FÖVQƏLADƏ HALLAR NAZİRİLİYİ

DÖVLƏT YANĞIN NƏZARƏTİ XİDMƏTİ






Geri

Fövqəladə hallar naziri Kəmaləddin Heydərov BMT-nin Beynəlxalq Axtarış-Xilasetmə Məşvərət Qrupunun rəhbərliyi ilə görüşmüşdür

Azərbaycan Respublikasının Fövqəladə hallar naziri general-polkovnik Kəmaləddin Heydərov 5 noyabr 2018-ci il tarixində BMT-nin Humanitar məsələlərin Əlaqələndirmə Ofisinin (UN OCHA) Fövqəladə vəziyyətlərdə cavablandırma mərkəzinin və Beynəlxalq Axtarış-Xilasetmə Məşvərət Qrupu (İNSARAG) Katibliyinin rəhbəri Rudolf Müller və İNSARAG-ın Avropa, Afrika və Yaxın Şərq üzrə əlaqələndiricisi Olqa Prorovskaya ilə görüşmüşdür.

Qonaqları səmimi salamlayan nazir Kəmaləddin Heydərov Fövqəladə Hallar Nazirliyinin beynəlxalq təşkilatlarla, xüsusən də BMT ilə əməkdaşlığa böyük önəm verdiyini vurğulamış, birgə həyata keçirilən layihələrin əhəmiyyətindən danışmışdır. BMT-nin Humanitar məsələlərin Əlaqələndirilməsi Ofisinin təşkilatçılığı ilə bu gün Bakıda öz işinə başlayan “İNSARAG – 2018 xilasetmə dəstələrinin  idarə edilməsi kursu”na uğurlar arzulayan nazir, bu tədbirin də birgə əməkdaşlığın inkişaf etdirilməsinə öz töhfəsini verəcəyinə əmin olduğunu bildirmişdir.

Səmimi qəbula görə təşəkkürünü bildirən qonaqlar Azərbaycan Respublikasının Fövqəladə Hallar Nazirliyinin BMT-nin müxtəlif qurumları ilə, o cümlədən BMT-nin Hümanitar məsələlərin Əlaqələndirmə Ofisi ilə münasibətlərinin mövcud vəziyyətindən məmnun olduqlarını bildirmiş və səmərəli əməkdaşlığın gələcəkdə də davam etdirilməsinin vacibliyini diqqətə çatdırmışlar. Birgə əməkdaşlıq çərçivəsində Bakıda təşkil olunan budəfəki kursun FHN-in Beynəlxalq axtarış-xilasetmə dəstəsinin peşəkarlıq səviyyəsinin daha da yüksəldilməsində böyük rol oynayacağını bildirmişlər.

Digər məlumatlar

Fövqəladə Hallar Nazirliyinin Akademiyasında 15 iyun – Milli Qurtuluş Gününə həsr olunmuş tədbir keçirilib

14 iyun 2019-cu il tarixində Fövqəladə Hallar Nazirliyinin Akademiyasında 15 iyun – Milli Qurtuluş Günü münasibətilə “Heydər Əliyev məktəbinin lektoriyası”nın növbəti məşğələsi keçirilib. Lektoriyanın qonağı Milli Məclisin deputatı, siyasi elmlər doktoru, professor Elman Nəsirov olub. ...

Ardını oxu

FHN-in rəhbərliyi tərəfindən Şəki, Zaqatala və Balakən şəhərlərində vətəndaşların qəbulunun tarixi dəyişib

14 iyun 2019-cu il tarixində Azərbaycan Respublikasının Fövqəladə Hallar naziri Kəmaləddin Heydərov tərəfindən Şəki şəhərində, nazirin birinci müavini Rəfail Mirzəyev tərəfindən Balakən şəhərində və nazir müavini Etibar Mirzəyev tərəfindən Zaqatala şəhərində keçirilməsi nəzərdə tutulan vətəndaşların qəbulunun tarixi dəyişib. Qəbul barədə əlavə məlumat veriləcəkdir....

Ardını oxu

Azərbaycan Respublikasının Fövqəladə Hallar Nazirliyi və Baş Prokurorluğun Mətbuat xidmətlərinin məlumatı

Azərbaycan Respublikasının Prezidenti cənab İlham Əliyevin yürütdüyü mütərəqqi siyasətin bir hissəsi olaraq ölkəmizdə baş verən müxtəlif təbii və texnogen xarakterli fövqəladə hadisələrdən zərər çəkən vətəndaşların sağlamlığına və mülkiyyətinə dəyən ziyanın aradan qaldırılması ilə bağlı yüksək səviyyədə dövlət dəstəyi göstərilir. Son illər ardıcıl olaraq göstərilən bu dəstəyin......

Ardını oxu