ENG     19 Avqust 2018 -ci il
 
  Aktual
  Xəbərlər
  Cəmiyyət
  Maarifləndirmə
  Hadisə
  Müxtəlif
  Arxiv
14 Avqust 2018-ci il
N 25 (583)

Əlaqə
Redaksiyanın ünvanı:
.......................................
Bakı şəhəri, Əliyar Əliyev küçəsi 3
.......................................
Tel.: 566 86 70
Faks: 566 86 71
566 86 74
566 86 79






  Baş səhifə / Maarifləndirmə
Maarifləndirmə
14 Avqust 2018 Fövqəladə hallarla bağlı davranış qaydaları
Sel və daşqın
14 Avqust 2018 Bağ evlərində yanğın təhlükəsizliyi qaydalarına əməl edin!
14 Avqust 2018Föv­qə­la­də Hal­lar Na­zir­li­yi xə­bər­dar­lıq edir:
Dəm qazı təhlükəsi
14 Avqust 2018 "112"/"101" QAYNAR TELEFON XƏTTİNƏ BU HALLARDA MÜRACİƏT ETMƏK OLAR:

Fövqəladə hallarla bağlı davranış qaydaları
Sel və daşqın

Sel - dağlardan gələn, özü ilə çoxlu qum, gil, çınqıl, daş, ağac parçaları gətirən qarışıq su axınıdır.

Daşqın - dənizdə, göldə, çayda suyun səviyyəsinin kəskin surətdə qalxması nəticəsində ətrafı su basması deməkdir.

Sel və daşqına necə hazır olmalı:

Əgər yaşadığınız ərazi tez-tez sel və daşqına məruz qalırsa:

- yaxınlıqda olan su basmayan yüksəkliklərin yerini və oraya gedən ən qısa yolları əvvəlcədən öyrənin;

- içində müəyyən qədər ərzaq və su, tibb çantası, vacib sənədlər, pul, fənər və isti paltar olan ehtiyat çantasını həmişə əl altında saxlayın.

Sel və daşqın zamanı nə etməli:

- təhlükə yarandıqda və təxliyyə haqqında göstəriş verildikdə əvvəlcədən müəyyənləşdirilmiş təhlükəsiz əraziyə gedin;

- hazırladığınız ehtiyat çantasını götürməyi unutmayın;

- evdən çıxarkən qaz, su və elektrik enerjisini ümumi şəbəkədən söndürün, qapı və pəncərələri möhkəm bağlayın;

- vaxt imkan verirsə, vacib saydığınız əşyaları evin yuxarı mərtəbəsinə və ya çardağa qaldırın, həyətdə suyun apara biləcəyi zəruri əşyaları yerindəcə bərkidin və ya təhlükəsiz yerə yığın;

- ev heyvanlarını sərbəst buraxın;

- korlana biləcək əşyaları zirzəmidən çıxarıb təhlükəsiz yerə yığın;

- evi tərk edə bilmədikdə, yardım gələnədək, yaxud suyun səviyyəsi enənədək yuxarı mərtəbədə və ya çardaqda qalın;

- gündüz taxta parçasına bağlanmış aydın görünən parça, gecə isə işıq və ya səs vasitələri ilə yardım üçün siqnal verin;

- xilasedicilərin göstərişlərini sözsüz yerinə yetirin;

- su basmış ərazini müstəqil olaraq yalnız təcili yardım ehtiyacı, suyun səviyyəsinin sürətlə qalxması, xilasedicilərin gəlməsinə ümid olmadıqda tərk edə bilərsiniz;

- suda rahat hərəkət etmək üçün ağır və dar geyimləri çıxarın;

- yardım gələnədək suyun üzərində qalmağa imkan verəcək batmayan əşyadan yapışın (avtomobil şini, taxta əşya və s.);

- suyun axını istiqamətində üzün, qüvvənizə qənaət edin.

Sel və daşqından sonra nə etməli:

- su çəkildikdə yalnız müvafiq qurumların icazəsindən sonra evə qayıda bilərsiniz;

- evə qayıtdıqda qaz və elektrik təchizatı sisteminin sazlığına əmin olmadan onları yandırmayın;

- yoluxucu xəstəliklərin yayılmaması üçün daşqın və sel sularının gətirdiyi zibili tez yığışdırıb həyət və evi təmizləyin;

- içməli su mənbəyindən müvafiq sanitariya yoxlamasından sonra istifadə edin.



Bağ evlərində yanğın təhlükəsizliyi qaydalarına əməl edin!

Son illər şəhərdə maşınların sayının kəskin artması, yayda ölkəmizə gələn xarici turistlərin axını, orta temperatur dərəcəsinin yüksəlməsi, bir sözlə, sıxlıq yaranması nəticəsində hər il yay mövsümündə Bakı əhalisinin böyük bir hissəsi Xəzərin sahillərindəki bağ evlərinə köçür, şəhərin istisindən, səs-küyündən uzaq yerdə  istirahət etməyə üstünlük verir.

 Əlbəttə, isti yay günlərində Bakı şəhər əhalisinin hamısının xarici ölkələrə gedərək istirahət etməsi mümkün deyil. Hətta bəzilərinin ailə büdcəsi imkan versə də, onlar dogma Bakıdan ayrıla bilmir, dənizkənarı bağ evində dincəlməkdən, həyət-bacasında ağac, bağ-bostan məhsulları əkib-becərməkdən mənəvi zövq alırlar. Ona görə də yayda şəhər nisbətən "boşalır", bağ massivlərinin qaynar həyatı başlayır.

Lakin ötən illərin təcrübəsi göstərir ki, bəzən bağ massivlərində  yanğın təhlükəsizliyi qaydalarına əməl edilmədiyindən yanğın hadisələri baş verir. Bu yanğınlar ən çox quru otların ərazilərdən təmizlənməməsi, laqeydlik, bəzən də səhlənkarlıq səbəbindən törəyir. Unutmaq lazım deyil ki, qurumuş otların həyətlərdən təmizlənməməsi uşaq dəcəlliyi nəticəsində böyük yanğınlara səbəb olur. Odur ki, bağ evlərinin, mülkiyyət formasından asılı olmayaraq obyektlərin ərazilərinin saxlanmasında yanğın təhlükəsizliyi qaydalarının tələblərinə əməl olunmalıdır. İlk növbədə həyətyanı sahələr yanar materiallardan daim təmizlənməli, yana bilən tullantıların xüsusi meydançalarda quraşdırılmış konteynerlərə yığılması təmin edilməli və vaxtında daşınıb aparılmasına diqqət yetirilməlidir.

Bağ massivlərində həmçinin, müvafiq icazələr olmadan dirəklərin, şlaqbaumların quraşdırılmasına, keçidlərin bağlanmasına rast gəlinir. Əlbəttə, bu yanğın təhlükəsizliyi qaydalarının tələblərinə ziddir. Çünki yollara özbaşına dirəklərin basdırılması, şlaqbaumların quraşdırılması, keçidlərin bağlanması yanğın hadisələri zamanı yanğın avtomobillərinin hərəkətinə, çevik manevr etməsinə maneçilik törədir. Nəticədə yanğın avtomobilləri hadisə yerinə vaxtında çata bilmir, vaxt itkisinə yol verildiyindən yanğının əhatə dairəsi genişlənərək   onun vurduğu ziyanın miqdarı çoxalır.

Yollarda dirəklərin, şlaqbaumların quraşdırılması, keçidlərin bağlanması tək yanğın avtomobillərinin deyil, digər xüsusi təyinatlı maşınların, o cümlədən təcili yardım avtomobillərinin də çevik hərəkətinə məhdudiyyətlər yaradır, xəstələrin həyatını təhlükə qarşısında qoyur.

Bağ massivlərində baş vermiş yanğın  hadisələrinin böyük əksəriyyəti həm də elektrik qurğularının istismarı, elektrik avadanlıqları  və cihazlarının istifadəsi zamanı yanğın təhlükəsizliyi qaydalarının pozulmasından baş verir. Artıqyüklənmə, qısaqapanma, izolyasiyanın pozulması, naqillərin müvafiq texniki qaydalara uyğun çəkilməməsi, montaj işlərindəki səhvlər və s.  yanğın təhlükəsizliyinə zidd hallar  kimi yanğınların baş verməsinə şərait yaradır. Elektrik qurğularının istismarı, elektrik avadanlıqları  və cihazlarının istifadəsi zamanı yanğın təhlükəsindən uzaq olmaq üçün bir sıra qaydalara əməl olunması vacibdir.

Birinci növbədə bütün   elektrik qurğularının quraşdırılması və onun istehlakçılar tərəfindən istismarı  müvafiq qayda və  normativ sənədlərə, təlimatlara uyğun həyata keçirilməlidir.

Elektrik mühərrikləri, idarəetmə aparatları, nəzarət ölçü cihazları və mühafizə aparatları, köməkçi qurğular və elektrik ötürücüləri (kabelləri, naqilləri), müvafiq qaydaların tələblərinə uyğun olaraq seçilib quraşdırılmalı, eləcə də artıq yüklənmədən və qısa qapanmadan mühafizə edilməsi üçün qoruyucu aparatlarla təmin edilməlidir.

Elektrik ötürücü xətlərinin və xarici (çöl) elektrik naqillərinin  əl damlarının, bağ evlərinin  üzərindən çəkilməsi yanğın təhlükəsi yaratdığı üçün yolverilməzdir.

Elektrik qurğularının istismarı zamanı elektrik aparatlarını və cihazlarını onu hazırlayan müəssisənin tövsiyyələrinə (təlimatlarına) uyğun olmayan şəraitdə və ya yanğına səbəb ola bilən nasazlığı olduqda istifadə etmək, izolyasiyası zədələnmiş və ya sıradan çıxmış naqilləri və kabelləri istismar etmək, həmçinin nasaz elektrik qurğularından istifadə etmək, elektrik lampasını və işıqlandırıcısını kağıza, parçaya və digər yanar materiallara bükmək, eləcə də ondan mühafizə qapağı örtük (plafonu) çıxarıldıqda istifadə etmək qadağan olunur.

Dayağı yanmayan materiallardan olmayan elektrik ütülərindən, elektrik çaydanlarından və digər elektrik qızdırıcı cihazlardan istifadə etmək də yanğın təhlükəsi yaratdığından yolverilməzdir.

Bağ mövsümünü yanğınsız başa vurmaq üçün ehtiyatlı olmaq lazımdır ki, istirahətinizi mənalı edəsiniz, şəhərə şən ovqatla qayıdasınız.

Rövşən Bəkirov,

FHN Dövlət Yanğın Nəzarəti Xidmətinin

Yanğına qarşı təbliğat şöbəsinin

böyük təlimatçısı

 

 



Föv­qə­la­də Hal­lar Na­zir­li­yi xə­bər­dar­lıq edir:
Dəm qazı təhlükəsi

 

 

 

 

 

 

 

 

 

 

 

 



"112"/"101" QAYNAR TELEFON XƏTTİNƏ BU HALLARDA MÜRACİƏT ETMƏK OLAR:

 

 

 

 

 

 

 

 

 

 

 

 

 

 

 

 

 

 

 

 



Qəzetin çap variantı




Qəzet Azərbaycan Respublikasının Ədliyyə Nazirliyində qeydiyyatdan keçmişdir. Qeydiyyat nömrəsi - 1873.
Təsisçi Azərbaycan Respublikası Fövqəladə Hallar Nazirliyi.
Bütün hüquqlar qorunur.
© 2009-cu il