ENG     15 Fevral 2019 -ci il
 
  Aktual
  Xəbərlər
  Cəmiyyət
  Maarifləndirmə
  Hadisə
  Müxtəlif
  Arxiv
15 Fevral 2019-ci il
N 06 (604)

Əlaqə
Redaksiyanın ünvanı:
.......................................
Bakı şəhəri, Əliyar Əliyev küçəsi 3
.......................................
Tel.: 566 86 70
Faks: 566 86 71
566 86 74
566 86 79






  Baş səhifə / Maarifləndirmə

Fövqəladə hallarla bağlı davranış qaydaları
Liftlə bağlı təhlükəsizlik qaydaları

Çoxmərtəbəli binalarda quraşdırılan lift insanların mənzil başına tez və rahat çatmasına xidmət edir. Bu səbəbdən, liftdə təhlükəsizlik qaydalarına hər kəs riayət etməlidir.

Liftdə problemlərin yaranmasının əsas səbəbləri aşağıdakılardır:

- elektrik təchizatı sistemində nasazlıq;

- liftin istismar müddətinin bitməsi;

- liftdə yersiz və sərt hərəkətlər;

- liftın qapılarının ətrafında toz və bu kimi maneələrin yığılması.

QƏTİ QADAĞANDIR:

- liftin normadan artıq yuklənməsi;

- uşaqların liftdən böyüklərsiz istifadə etmələri;

- liftin qapılarının arasında dayanmaq;

- liftin qapılarına və üzərindən cərəyan keçdiyindən tavanına toxunmaq;

- lifti silkələmək;

- liftin düymələrini qurdalamaq və zədələmək;

- liftdə siqaret çəkmək və alışqandan istifadə etmək;

- içərisində işıqları yanmayan liftə daxil olmaq;

- zəlzələ və yanğın zamanı liftdən istifadə etmək.

Liftdə köməksiz vəziyyətdə qalan şəxs bunları bilməlidir:

- qorxmamaq və təşvişə düşməmək;

- liftin zəng siqnalını fasilələrlə basaraq kömək çağırmaq;

- qapını zədələmədən döyərək kömək çağırmaq;

- yanınızda mobil telefon varsa, lift bələdçisinə və ya lift təsərrüfatına cavabdeh qurumlara məlumat vermək;

- əlaqədar qurumlarla əlaqə yaratmaq mümkün olmadıqda "112" qaynar xəttinə məlumat vermək;

- köməyə çağırdığınız insanlardan əlaqədar qurumlara məlumat vermələrini xahiş etmək.

Liftdə qalan şəxsə necə kömək etməli:

- liftdə qalanı sakitləşdirmək və həmin şəxsi müvafiq köməklik göstəriləcəyinə inandırmaq;

- lift təsərrüfatına cavabdeh olan şəxsləri məlumatlandırmaq;

- əlaqədar qurumlarla əlaqə yaratmaq mümkün olmadıqda "112" qaynar xəttinə məlumat vermək.

Yadda saxlayın:

- xilasetmə işləri zamanı binanın damına çıxış qapısının açarı təcili olaraq lift mütəxəssisinə və ya xilasedicilərə təqdim olunmalıdır;

- kömək məqsədilə kənar şəxslərin liftin qapılarına və digər hissələrinə müdaxiləsi yolverilməzdir;

- lift mexanizmləri yalnız lift mütəxəssisləri tərəfindən təmir oluna bilər;

- lift nasazlıq səbəbindən nadir hallarda sürətlə aşağıya doğru hərəkət edərsə, bu halda liftdə olan şəxs üzü üstə döşəməyə uzanaraq və ya çömələrək əllərini liftin sağ və sol divarlarına sıxmalıdır.

 

 



Qəzetin çap variantı




Qəzet Azərbaycan Respublikasının Ədliyyə Nazirliyində qeydiyyatdan keçmişdir. Qeydiyyat nömrəsi - 1873.
Təsisçi Azərbaycan Respublikası Fövqəladə Hallar Nazirliyi.
Bütün hüquqlar qorunur.
© 2009-cu il