ENG     18 Oktyabr 2017 -ci il
 
  Aktual
  Xəbərlər
  Cəmiyyət
  Maarifləndirmə
  Hadisə
  Müxtəlif
  Arxiv
13 Oktyabr 2017-ci il
N 32 (547)

Əlaqə
Redaksiyanın ünvanı:
.......................................
Bakı şəhəri, Əliyar Əliyev küçəsi 3
.......................................
Tel.: 566 86 70
Faks: 566 86 71
566 86 74
566 86 79






  Baş səhifə / Maarifləndirmə

Qayıqla gəzərkən təhlükəni unutmayın

Paytaxtımızın sakinləri yayda asudə vaxtlarını Xəzərin qumlu sahillərində, dənizin mavi dalğalarının qoynunda keçirməyi çox sevirlər. Əksər valideynlər öz uşaqları ilə birlikdə çimərliklərə üz tuturlar. Lakin unutmaq olmaz ki, dənizdə (eləcə də çayda, göldə) çimmək zövq verdiyi qədər də təhlükəlidir. Buna görə də çimmək üçün getdiyimiz yerlərdə təhlükəsizlik qaydalarına çox ciddi əməl etməyə çalışırıq. Bəzən valideynlər öz ailə üzvləri ilə birlikdə, bəzən bir qrup həvəskar insan dənizdə (eləcə də çayda, göldə) qayıqla gəzməyə daha çox vaxt ayırırlar. Qayıqla gəzinti zamanı da təhlükəsizlik qaydalarına riayət olunmalıdır.

Suda təhlükəsizlik qaydalarından biri də üzməyi bacarmaqdır. Lakin bununla iş bitmir. Suda ehtiyatı əldən verməmək, gəzinti zamanı təhlükəsizlik qaydalarına ciddi şəkildə əməl etmək həyatınızın qorunması deməkdir.

Bu qaydalar elə də çətin deyil. Belə ki, qayığa oturmazdan əvvəl onu diqqətlə nəzərdən keçirərək sazlığına, möhkəmliyinə, avarların yerində olmasına, xilasedici halqaların və qayığa sıza biləcək suyun boşaldılması üçün çanağın olmasına diqqət yetirmək lazımdır. Qayığın tarazlığını pozmamaq üçün, ona bir-bir minmək lazımdır. Qayığa minərkən çalışın ki, ayağınızı döşəmənin ortasına atasınız. Oturacaqlarda bərabər şəkildə oturmaq da çox mühümdür. Qayıq hərəkətdə olduqda yana əyilmə baş verməsin deyə, yerləri dəyişmək və ya "bort"da oturmaq olmaz. Avarı bir qaydada çəkmək, başqa qayıqla toqquşmanın qarşısını almaq da təhlükəsizlik qaydalarına daxildir.

Qayıqla gəzinti vaxtı çayın sağ tərəfi ilə hərəkət edin, çalışın sahildən 20-30 m-dən artıq uzaqlaşmayasınız. Digər qayığı ötüb-keçmək zərurəti yarandıqda, onu hərəkət istiqamətinin sol tərəfindən keçmək lazımdır. Avarlı qayıq mühərrikli və yelkənli qayıqlara yol verməlidir. Çünki həmin qayıqlar daha sürətlidir. Teploxod və katerlərin yolunu kəsməkdən çəkinin - bu, çox təhlükəlidir. Gəmilərin aramsız və qısa siqnallarını eşitdikdə, avarlı qayıq kənara çəkilməli və ya təhlükəsiz məsafəyə uzaqlaşmalıdır. Bu siqnallar sizin qayığın təhlükəli zonada olmasına işarədir. Gəmilərdən aralanan zaman yaranan dalğaları qayığın burnu ilə kəsərək hərəkət etməyə çalışın. Bu qaydanın pozulması avarlı qayığın çevrilməsinə səbəb ola bilər. Qayıqla gəzərkən yersiz hərəkətlər etmək və ya zarafatlaşmaq olmaz: unutmayın ki, yersiz hərəkətlər tarazlığın pozulmasına, daha doğrusu qayığın çevrilməsinə şərait yaradar. Bu cür hallar həyat üçün təhlükəlidir.

Qayıqda qəti surətdə yerini dəyişmək, eləcə də digər qayığa keçmək, onu silkələmək, eləcə də suda çimmək qadağandır. Əgər qayıq çevrilibsə, özünüzü itirməyin. İlk növbədə üzməyi bacarmayanları sudan çıxarmağa çalışın. Bu zaman boğulan insanı qayığa mindirin və ya yaxın sahilə doğru aparın.

Valideynlər qayıqla gəzinti zamanı əməl edilməli olan təhlükəsizlik qaydalarını öz övladlarına izah etməlidirlər. Ən yaxşısı isə övladınıza təkbaşına qayıqda gəzməyi qadağan edin.

Qayıqla gəzərkən bu qaydalara əməl edilərsə, bədbəxt hadisələrdən qorunmaq olar. Faciədən kənarda qalmaq isə sizin öz əlinizdədir.

Hazırladı: Mehman Fərzəliyev



Qəzetin çap variantı




Qəzet Azərbaycan Respublikasının Ədliyyə Nazirliyində qeydiyyatdan keçmişdir. Qeydiyyat nömrəsi - 1873.
Təsisçi Azərbaycan Respublikası Fövqəladə Hallar Nazirliyi.
Bütün hüquqlar qorunur.
© 2009-cu il