ENG     13 Dekabr 2017 -ci il
 
  Aktual
  Xəbərlər
  Cəmiyyət
  Maarifləndirmə
  Hadisə
  Müxtəlif
  Arxiv
8 Dekabr 2017-ci il
N 40 (555)

Əlaqə
Redaksiyanın ünvanı:
.......................................
Bakı şəhəri, Əliyar Əliyev küçəsi 3
.......................................
Tel.: 566 86 70
Faks: 566 86 71
566 86 74
566 86 79






  Baş səhifə / Maarifləndirmə

Günvurma zamanı ilk yardım

Yay mövsümündə günəş şüaları insan orqanizmi üçün faydalı olmaqla yanaşı həm də zərərli ola bilər. Günvurma günəş şüalarının xeyli müddət başın açıq nahiyələrinə təsiri nəticəsində baş verir. Günvurmaya ən çox ürək-damar sistemi xəstəlikləri olanlar, şəkər xəstələri, onkoloji xəstələr, düzgün qidalanmayan insanlar, hamilə qadınlar, artıq çəkili adamlar, siqaret çəkənlər, alkoqollu şəxslər, uşaqlar və yaşlı adamlar məruz qalır.

Günvurmanın əlamətləri:

Yüngül dərəcə günvurma

- başgicəllənmə və başağrısı;

- ürəkbulanma;

- tərləmə;

- hava çatışmazlığı hissi;

- ürək döyüntülərinin sayının artması;

- göz bəbəklərinin genəlməsi.

Orta ağır dərəcəli günvurma

- güclü baş ağrıları;

- qulaqların batması hissiyatı;

- ürəkbulanma və qusma;

- həddən artıq halsızlıq;

- bədən hərarətinin yüksəlməsi;

- bəzən huşun ala-qaranlıq olması.

Ağır dərəcə günvurma

- bədən hərarətinin 40 dərəcə və daha yuxarı yüksəlməsi;

- huşun tamamilə itməsi;

- qeyri-iradi sidik ifrazı;

- komatoz vəziyyət;

- yardım göstərilməsə, ölümlə nəticələnir.

Günvurma zamanı ilkin yardımın göstərilməsi zərərçəkmişin sonrakı müalicəsinə birbaşa təsir göstərir. Bu səbəbdən də ilkin yardımın vaxtında və düzgün aparılması mühüm əhəmiyyət kəsb edir. Günvurma zamanı zərərçəkən dərhal kölgəlik və sərin yerə aparılmalıdır. Zərərçəkmişin boynunu və döş qəfəsini sıxan paltarlardan azad etmək, rahat vəziyyətdə uzandırmaq, başına, boynuna və sinəsinə soyuq kompress qoymaq lazımdır. Soyuq su içirtmək, soyuq suda isladılmış mələfəni paltarsız bədəninin üstunə örtmək, huşunu itirmiş zərərçəkənin tənəffüsü dayanarsa, suni tənəffüs vermək lazımdır. İstənilən halda təcili yardıma müraciət etmək lazımdır.

Əlbəttə ki, günvurmadan qorunmaq onun fəsadlarını aradan qaldırmaqdan daha asandır. Belə ki, insanlar yay aylarında, havalar isti keçən vaxtlar çoxlu miqdarda maye qəbul etməlidirlər. Açıq havada, günəş şüaları altında çox qalmaq olmaz. Açıq rəngli baş örtüyü və yaxud çətirdən istifadə olunmalı, düzgün qidalanmalı, əsasən meyvə - tərəvəzdən kifayət qədər istifadə edilməlidir.



Qəzetin çap variantı




Qəzet Azərbaycan Respublikasının Ədliyyə Nazirliyində qeydiyyatdan keçmişdir. Qeydiyyat nömrəsi - 1873.
Təsisçi Azərbaycan Respublikası Fövqəladə Hallar Nazirliyi.
Bütün hüquqlar qorunur.
© 2009-cu il