Geri

05 oktyabr 2017-ci il saat 22:00-dək:

Böhran Vəziyyətlərində İdarəetmə Mərkəzinə daxil olmuş məlumata əsasən, Abşeron rayonu, Xırdalan şəhərində intensiv yağan yağışlar səbəbindən altımərtəbəli yaşayış binasının həyətyanı sahəsinin yağış suları ilə dolması nəticəsində 5 nəfər köməksiz vəziyyətdə qalmışdır. Xüsusi Riskli Xilasetmə Xidmətinin xilasediciləri müvafiq xilasetmə işlərinin görülməsi üçün hadisə yerinə cəlb olunaraq vətəndaşları təhlükəsiz əraziyə təxliyə etmişlər. Əməliyyat başa çatmışdır.​

Geri

05 oktyabr 2017-ci il saat 19:30-dək:

Bakı şəhəri və Abşeron rayonu ərazisində intensiv yağan yağışların törətdiyi fəsadları aradan qaldırmaq istiqamətində oktyabrın 5-də Fövqəladə Hallar Nazirliyi tərəfindən operativ və təxirəsalınmaz tədbirlərin görülməsi davam etdirilmişdir. Nazirliyin Dövlət Yanğından Mühafizə Xidmətinin, Mülki müdafiə qoşunlarının və Xüsusi Riskli Xilasetmə Xidmətinin qüvvə və texnikası Bakı şəhərinin Binəqədi rayonunda müxtəlif ünvanlarda suçəkmə işlərinə cəlb olunmuşdur, eyni zamanda həyətyanı sahəsinin yağış suları ilə dolması səbəbi ilə köməksiz vəziyyətdə qalmış 1 nəfər xilasedicilər tərəfindən təhlükəsiz yerə təxliyə edilmişdir.​

Geri

05 oktyabr 2017-ci il saat 17:00-dək:

Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Səbail rayonunda 9 nəfər liftdə köməksiz vəziyyətdə qalmışdır. Xüsusi Riskli Xilasetmə Xidmətinin xilasediciləri hadisə yerinə cəlb olunaraq vətəndaşların liftdən çıxmasına kömək etmişlər. Əməliyyat başa çatmışdır.​

Geri

05 oktyabr 2017-ci il saat 14:00-dək:

Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Binəqədi rayonunda 1 nəfər bağlı qapı arxasında köməksiz vəziyyətdə qalmışdır. Xüsusi Riskli Xilasetmə Xidmətinin xilasediciləri müvafiq xilasetmə işlərinin görülməsi üçün hadisə yerinə cəlb olunmuşlar. 1970-ci il təvəllüdlü Bağırov Elçin Vəli oğlunun cəsədi xilasedicilər tərəfindən mənzildə aşkar edilərək aidiyyəti üzrə təhvil verilmişdir. Əməliyyat başa çatmışdır.​

Geri

05 oktyabr 2017-ci il saat 09:00-dək:

Son günlər yağan intensiv yağışlar nəticəsində Lənkəran və Astara rayonlarının bəzi ərazilərində fərdi yaşayış evləri və həyətyanı sahələr yağış suları ilə dolmuşdur. Eyni zamanda, Lənkəran və Astara çaylarında suyun səviyyəsi artmışdır. Yağıntıların törətdiyi fəsadların aradan qaldırılması üçün Fövqəladə Hallar Nazirliyinin Dövlət Yanğından Mühafizə Xidmətinin, Mülki müdafiə qoşunlarının, Kiçikhəcmli Gəmilərə Nəzarət və Sularda Xilasetmə Dövlət Xidmətinin və Cənub Regional Mərkəzinin canlı qüvvə və texnikası yağıntı suları ilə dolmuş ərazilərə xilasetmə işlərini davam etdirir. 4-5 oktyabr gecə saatlarında Fövqəladə Hallar Nazirliyinin xilasediciləri hadisə rayonlarında müxtəlif ünvanlarda köməksiz vəziyyətdə qalmış 367 nəfəri təhlükəsiz yerlərə təxliyə etmişlər. Xilasetmə işləri barədə əlavə məlumat veriləcək.​

Geri

05 oktyabr 2017-ci il saat 08:00-dək:

Sumqayıt şəhərində ümumi sahəsi 60 m2 olan birmərtəbəli 3 otaqlı evin yanar konstruksiyaları və ev əşyaları yanmışdır. Yaxınlıqdakı tikililər yanğından mühafizə olunmuşdur. Yanğın yanğınsöndürənlər tərəfindən söndürülmüşdür.