Geri

22 iyul 2017-ci il Türkiyənin Fövqəladə Halların İdarə Olunması Agentliyinin nümayəndə heyəti ölkəmizdə səfərdə olmuşdur

21 iyul 2017-ci il tarixində Türkiyə Respublikası Fövqəladə Halların İdarə Olunması Agentliyinin (AFAD) nümayəndə heyəti Bakı şəhərində keçirilən  Fövqəladə Hallar Nazirliyinin Beynəlxalq Axtarış–xilasetmə Dəstəsinin şəxsi heyətlə komplektləşdirilməsi və Beynəlxalq Axtarış Xilasetmə Məşvərət Qrupunun (İNSARAG) klassifikasiya mərhələsi üzrə taktiki-xüsusi təlimi müşahidə etmək üçünölkəmizdə səfərdə olmuşdur.

Əvvəlcə, Azərbaycan Respublikası fövqəladə hallar nazirinin müavini general-leytenant Etibar Mirzəyev və Türkiyə Respublikası Fövqəladə Halların İdarə Olunması Agentliyinin (AFAD) sədr müavini Fatih Özərin rəhbərlik etdiyi nümayəndə heyəti FHN-in Səbail rayonu Dövlət Yanğından Mühafizə Hissəsində olmuşlar. Qonaqlar yanğınsöndürmə texnika və avadanlıqları ilə tanış olmuş, onlara şəxsi heyət üçün yaradılmış şəraitlə bağlı məlumat verilmişdir.

Sonra Türkiyə nümayəndə heyəti Fövqəladə Hallar Nazirliyinin Böhran Vəziyyətlərində İdarəetmə Mərkəzinin “Əməliyyat zalı”nın fəaliyyəti ilə tanış olmuşdur.

AFAD-ın nümayəndə heyəti ilə Fövqəladə Hallar Nazirliyində keçirilmiş görüşdə nazir müavini general-leytenant Etibar Mirzəyev ölkəmizdə fövqəladə halların qarşısının alınması və nəticələrinin aradan qaldırılması sahəsində görülən işlər barədə məlumat vermiş, qardaş Türkiyənin bu qurumu ilə əlaqələrin daha da möhkəmlənəcəyinə əminliyini ifadə etmişdir.

AFAD-ın sədr müavini Fatih Özər təmsil etdiyi qurumun FHN ilə əməkdaşlığa böyük əhəmiyyət verdiyini vurğulamış, keçirilən birgə tədbirlərin ikitərəfli əlaqələrin güclənməsində mühüm rol oynadığını bildirmişdir.

Görüşdən sonra qonaqlar FHN-in Akademiyasında da olmuşlar. Akademiyanın rəisi general-mayor Pənah Süleymanov türkiyəli qonaqlara bu ali təhsil ocağının fəaliyyəti haqqında ətraflı məlumat vermiş, onları  buradakı laboratoriya və texnika ilə tanış etmişdir.   

Daha sonra fövqəladə hallar nazirinin müavini general-leytenant Etibar Mirzəyev və AFAD-ın nümayəndə heyəti Fövqəladə Hallar Nazirliyinin Beynəlxalq Axtarış–xilasetmə Dəstəsinin şəxsi heyətlə komplektləşdirilməsi və Beynəlxalq Axtarış Xilasetmə Məşvərət Qrupunun (İNSARAG) klassifikasiya mərhələsi üzrə taktiki-xüsusi təlimin gedişini izləmişlər. Təlimə FHN-in Dövlət Yanğından Mühafizə, Dövlət Yanğın Nəzarəti, Xüsusi Riskli Xilasetmə, Tibb xidmətlərinin,  Mülki müdafiə qoşunlarının texnika və avadanlıqları və şəxsi heyəti cəlb olunmuşdur. 

Digər məlumatlar

Fövqəladə hallar naziri Kəmaləddin Heydərovun Siyəzən şəhərində vətəndaşların qəbulunun vaxtı dəyişmişdir

Azərbaycan Respublikasının fövqəladə hallar naziri Kəmaləddin Heydərov tərəfindən 22 iyun 2018-cı il tarixində Siyəzən şəhərində keçirilməsi nəzərdə tutulan vətəndaşların qəbulunun vaxtı dəyişmişdir. Qəbulun keçiriləcəyi tarix barədə əlavə məlumat veriləcəkdir....

Ardını oxu

Azərbaycan Respublikasının fövqəladə hallar naziri Kəmaləddin Heydərov Siyəzən şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  22 iyun 2018-ci il tarixində Siyəzən şəhərində, Siyəzən Rayon Dovlət Yanğından Mühafizə Hissəsinin inzibati binasında saat 11.00-dan vətəndaşların qəbulu keçiriləcəkdir. ...

Ardını oxu

ABŞ-ın Oklahoma ştatının Milli Qvardiyasının nümayəndə heyəti Fövqəladə Hallar Nazirliyində görüş keçirmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində 14 iyun 2018-ci il tairixində ABŞ-ın Oklahoma ştatının Milli Qvardiyasının komandanı general-leytenant Maykl Tompsonun başçılıq etdiyi nümayəndə heyəti ilə görüş keçirilmişdir. ...

Ardını oxu