Geri

"Fəlakətin azaldılması üzrə Asiya Konfransı-2017" keçirilir

2 oktyabr 2017-ci il tarixində “Pullman” otelində Fövqəladə Hallar Nazirliyi, Asiya Fəlakətlərin Azaldılması Mərkəzi və Yaponiya Nazirlər Kabinetinin təşkilatçılığı ilə "Fəlakətin azaldılması üzrə Asiya Konfransı-2017" öz işinə başlamışdır.

Öncə konfrans iştirakçıları Fəxri Xiyabana gələrək ulu öndər Heydər Əliyev və görkəmli oftalmoloq alim akademik Zərifə xanım Əliyevanın məzarlarını ziyarət etmiş, Şəhidlər Xiyabanında uyuyan Vətən oğul və qızlarının məzarları üzərinə gül-çiçək dəstələri düzmüşlər.

İki gün davam edəcək konfransın açılış mərasimində çıxış edən Asiya Fəlakətlərin Azaldılması Mərkəzinin sədri professor Masanori Hamada tədbirin təşkilinə və qonaqpərvərliyə görə Fövqəladə Hallar Nazirliyinə minnətdarlığını bildirmişdir. M.Hamada AFAM-ın qarşıdakı 20 il üçün tədbirlər planının dəqiq müəyyənləşdirilməsinə ehtiyac olduğunu qeyd etmişdir.

Konfransda çıxış edən Azərbaycan Respublikasının fövqəladə hallar naziri general-polkovnik Kəmaləddin Heydərov tədbirin təşkili ilə bağlı AFAM və Yaponiya Nazirlər Kabinetinə təşəkkürünü bildirmişdir. Nazir qeyd etmişdir ki, bölgənin üzv ölkələrindən nümayəndələrlə əlaqələri yeniləmək və qarşılıqlı maraq doğuran problemləri müzakirə etmək üçün yaxşı bir vaxtdır. O, demişdir ki, Azərbaycan fəlakət riski yüksək olan ərazidə yerləşir və ölkəmiz üçün vulkan, meşə yanğınları, zəlzələ, torpaq sürüşmələri xarakterik hallardır. Fəlakət riskinin effektiv idarə olunmasının vacibliyini önə çəkən nazir bunun üçün beynəlxalq əməkdaşlığın mühüm əhəmiyyət kəsb etdiyini vurğulamışdır. FHN-in beynəlxalq əməkdaşlığın inkişafında maraqlı olduğunu deyən nazir dünyanın 180 ölkəsi ilə birlikdə Azərbaycanın da "2015-2030-cu illərdə Fəlakət Riskinin Azaldılması üzrə Sendai Çərçivə Proqramı"na qoşulduğunu xatırlatmışdır.

Yaponiya Baş nazirinin müavini Mamoru Maekava fəlakət risklərinin azaldılması üçün müvafiq strategiyalar hazırlanmasının mühümlüyünü önə çəkərək ölkəsində fəlakət risklərinin azaldılması üçün müvafiq tədbirlər planının olduğunu açıqlamışdır.

Birləşmiş Millətlər Təşkilatının Fəlakət Riskinin Azaldılması Ofisinin (UNISDR) proqram rəhbəri Timoti Vilkoks birgə fəaliyyətin və əməkdaşlığın önəmli olduğunu vurğulamışdır.

Sonra konfrans işini sessiyalarla davam etdirmişdir. Konfransın işinə oktyabrin 3-də yekun vurulacaq.

Digər məlumatlar

Azərbaycan Respublikasının fövqəladə hallar naziri Kəmaləddin Heydərov Siyəzən şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  22 iyun 2018-ci il tarixində Siyəzən şəhərində, Siyəzən Rayon Dovlət Yanğından Mühafizə Hissəsinin inzibati binasında saat 11.00-dan vətəndaşların qəbulu keçiriləcəkdir. ...

Ardını oxu

ABŞ-ın Oklahoma ştatının Milli Qvardiyasının nümayəndə heyəti Fövqəladə Hallar Nazirliyində görüş keçirmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində 14 iyun 2018-ci il tairixində ABŞ-ın Oklahoma ştatının Milli Qvardiyasının komandanı general-leytenant Maykl Tompsonun başçılıq etdiyi nümayəndə heyəti ilə görüş keçirilmişdir. ...

Ardını oxu

FHN "Qafqaz Baku City Hotel & Residence” otelində yanğın-taktiki təlimi keçirəcəkdir

Fövqəladə Hallar Nazirliyi Dövlət Yanğından Mühafizə Xidmətinin Yasamal rayon Yanğından Mühafizə Hissəsi və FHN-in Xüsusi Riskli Xilasetmə Xidmətinin Yasamal rayon bölməsi 2018-ci il iyunun 12-də saat 15:00-da Bakı şəhər Tbilisi prospekti 34 ünvanında yerləşən “Qafqaz Baku City Hotel & Residence” otelində yanğın-taktiki təlimi keçirəcəkdir. ...

Ardını oxu