Geri

Azərbaycan Respublikasının Prezidenti İlham Əliyevin tapşırığına uyğun olaraq, fövqəladə hallar naziri Kəmaləddin Heydərov Naftalan şəhərində ictimaiyyət nümayəndələri ilə görüşüb.

Azərbaycan Respublikasının Prezidenti İlham Əliyevin tapşırığına uyğun olaraq, fövqəladə hallar naziri Kəmaləddin Heydərov Naftalan şəhərində ictimaiyyət nümayəndələri ilə görüşüb.

Görüşdə ziyalılar, sahibkarlar, ağsaqqallar və gənclər iştirak edib.

Naftalan Şəhər İcra Hakimiyyətinin başçısı Natiq Aslanov çıxış edərək, son illərdə şəhərdə bütün sahələrdə, o cümlədən turizm sektorunda gedən inkişafdan, aparılan quruculuq işlərindən danışıb, Prezident İlham Əliyevin tapşırığı ilə ölkəmizin bölgələrində keçirilən belə görüşlərin əhəmiyyətini yüksək qiymətləndirib.

Görüşdə çıxış edən fövqəladə hallar naziri Kəmaləddin Heydərov dünyada baş verən iqtisadi proseslərə toxunub. Qeyd edib ki, bu proseslər neftin qiymətinin və manatın məzənnəsinin aşağı düşməsi ilə nəticələnib. Lakin dövlətimizin başçısının göstərdiyi səylər, verdiyi tapşırıqlar, imzaladığı fərman və sərəncamlar, qəbul olunan qanunlar və qanunlara edilən dəyişikliklər onu göstərir ki, Azərbaycan öz iqtisadiyyatını daha da gücləndirəcək və əhalinin sosial rifahı yüksələcəkdir.

Son illərdə ölkədə həyata keçirilən sosial-iqtisadi inkişafdan, ərzaq təhlükəsizliyinin təmin edilməsi istiqamətində görülən işlərdən, sahibkarlığa göstərilən dövlət qayğısından danışan nazir bildirib ki, Naftalan şəhərinin böyük turizm imkanı var. Şəhərdə turizmin inkişafı istiqamətində mühüm işlər görülüb və bu işlər davam etdirilməlidir.

Bölgələrdə keçirilən görüşlərin əsas məqsədinin problemləri öyrənib həllinə nail olmaq olduğunu diqqətə çatdıran nazir, ictimaiyyət nümayəndələrindən şəhərin daha da inkişafı üçün təkliflər verməyə, problemlərin həllinin müzakirəsində fəal olmağa çağırıb.

Yeni Azərbaycan Partiyası Naftalan şəhər təşkilatının sədri Hətəm Qocayev çıxışında Naftalanın müalicə-sanatoriya, turizm potensialından bəhs edib. Bildirib ki, 2015-ci ildə şəhərə 16 min turist gəlib. Hazırda həyata keçirilən layihələr nəticəsində 2016-cı ildə bu rəqəmin 20 mindən çox olacağı gözlənilir. H.Qocayev şəhər əhalisinin, həmçinin bura gələn turistlərin ərzaq məhsulları ilə təminatının yaxşılaşdırılması üçün müasir fermer təsərrüfatlarının və kurort ticarətini həyata keçirən müəssisələrin yaradılmasını təklif edib.

Görüşdə digər çıxış edənlər göstərilən diqqət və qayğıya görə dövlətimizin başçısına minnətdarlıqlarını bildirib, şəhərdə yaşayış binasının, mədəni-kütləvi tədbirlərin keçirilməsi üçün mədəniyyət mərkəzinin tikilməsi, Naftalana məxsus suvenirlər hazırlayan sexin yaradılması, həmçinin turizmin inkişafı ilə bağlı təkliflər irəli sürüblər.

Nazir Kəmaləddin Heydərov müraciət və təkliflərin qeydiyyata alındığını, onların həllinə kömək göstəriləcəyini bildirib.

Digər məlumatlar

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu

“Mübarizlər” ekstremal idman marafonu üzrə qalib komanda təltif olunmuşdur

6 oktyabr 2018-ci il tarixində Fövqəladə Hallar Nazirliyində “Mübarizlər” ekstremal idman marafonu üzrə respublikanın güc strukturlarının komandaları arasında keçirilmiş yarışda birinci yer tutmuş Fövqəladə Hallar Nazirliyinin komandasının üzvlərinin təltif olunma mərasimi keçirilmişdir. ...

Ardını oxu