Geri

Fövqəladə hallar naziri Kəmaləddin Heydərov İran İslam Respublikasının daxili işlər nazirinin müavinini qəbul etmişdir

Azərbaycan Respublikasının fövqəladə hallar naziri Kəmaləddin Heydərov noyabrın 25-də nazirliyin yaradılmasının 10 illik yubileyi münasibətilə keçirilmiş “Xəzər-2015” komanda-qərargah təlimini müşahidə etmək üçün ölkəmizdə səfərdə olan İran İslam Respublikası daxili işlər nazirinin müavini, Böhranların İdarə edilməsi Təşkilatının sədri İsmayıl Nəccarı qəbul etmişdir.

Nazir Kəmaləddin Heydərov qonağı səmimiyyətlə salamlamış, komanda-qərargah təlimini müşahidə etmək üçün ölkəmizə səfər etdiyinə görə təşəkkürünü bildirmişdir. O, iki dost və qonşu ölkənin fövqəladə halların qarşısının alınması və nəticələrinin aradan qaldırılması sahəsində uğurlu əməkdaşlığından məmnun olduğunu da diqqətə çatdırmışdır.

İsmayıl Nəccar səmimi qəbula və müvəffəqiyyətlə keçən “Xəzər-2015” komanda-qərargah təlimini müşahidə etmək üçün dəvətə görə təşəkkürünü bildirmiş, rəhbərlik etdiyi təşkilatın Fövqəladə Hallar Nazirliyi ilə əməkdaşlığının daha da inkişaf etdiriləcəyinə əminliyini ifadə etmişdir.

Görüşdə qarşılıqlı maraq doğuran digər məsələlər ətrafında geniş fikir mübadiləsi aparılmışdır.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu