Geri

FHN-in Bakı Regional Mərkəzi təlim keçirmişdir

Fövqəladə Hallar Nazirliyinin Bakı Regional Mərkəzi Fövqəladə Hallar Nazirliyinin yaradılmasının 10 illiyinə həsr olunmuş silsilə tədbirlər çərçivəsində Azərbaycan Tələbə Gənclər Təşkilatları İttifaqı (ATGTİ) ilə birgə 16 oktyabr 2015-ci il tarixində Bakı Ali Neft Məktəbində “Tələbələrin təhlükəsizliyi diqqət mərkəzində” mövzusunda təlim keçirmişdir.

Tədbirin keçirilməsində məqsəd fövqəladə hallara hazırlıq səviyyəsinin yoxlanılması, birgə fəaliyyətin uzlaşdırılmasının məşq edilməsi ilə yanaşı,  məktəbin kollektivinin fövqəladə hadisələrdən mühafizə üsulları və bu cür hallarda hərəkət qaydaları ilə bağlı bilik və bacarıqlarını təkmilləşdirməkdən ibarət olmuşdur.

Tədbirdə fövqəladə hallar nazirinin müavini general-leytenant Etibar Mirzəyev və Bakı Regional Mərkəzinin rəisi general-mayor Kənan Aşurlu iştirak etmişdir.

FHN-in Dövlət Yanğından Mühafizə, Xüsusi Riskli Xilasetmə, Dövlət Sularda Xilasetmə və Tibb xidmətlərinin, Mülki müdafiə qoşunlarının, Bakı şəhər Baş Polis İdarəsi, Bakı şəhər Baş Səhiyyə İdarəsi, “Azəriqaz” İstehsalat Birliyi, “Azərsu” ASC, “Azərişıq” ASC-nin əməkdaşları, Bakı Ali Neft Məktəbinin pofessor-müəllim və tələbə heyəti təlimə cəlb edilmişdir.

Tədbiri giriş sözü ilə açan Bakı Ali Neft Məktəbinin rektoru Elmar Qasımov keçirilən təlimin əhəmiyyətindən bəhs etmişdir.

Daha sonra çıxış edən natiqlər “Fövqəladə halların təsnifatı”, “Kollektiv mühafizə qurğuları”, “Təbii fövqəladə hallar zamanı nə etməli?”, “Yanğın-partlayış və nəqliyyat qəzası zamanı nə etməli”, “Radiasiya, kimya və bioloji xarakterli fövqəladə hallar zamanı nə etməli”, “Terror xarakterli fövqəladə hallar zamanı nə etməli” mövzularında çıxış etmişdir.

Praktik hissə Fövqəladə Hallar Nazirliyinin qurumları, Bakı şəhər təyinatlı digər xidmət və təşkilatların qüvvə və vasitələri, eləcə də Bakı Ali Neft Məktəbinin professor-müəllim və tələbələrinin iştirakı ilə taktiki-xüsusi təlim ilə başlamışdır. Təlim zamanı Bakı şəhərinin 60 km cənubunda, episentri Xəzər dənizində olmaqla Rixter cədvəli üzrə 7-8 bal gücündə baş verməsi simulyasiya edilmiş zəlzələ zamanı təxliyyə planına müvafiq olaraq ali məktəbin professor-müəllim heyətinin və tələbələrin təhlükəsiz əraziyə təxliyyəsi həyata keçirilmiş, hadisə yerində mühəndis, kimya və bioloji kəşfiyyat aparılmış, xəsarət alanlara ilkin tibbi yardım göstərilmiş, dağıntılar altında qalmış zərərçəkmişlər FHN Xüsusi Riskli Xilasetmə Xidmətinin Kinoloji idarəsinin xüsusi təlim keçmiş iti tərəfindən aşkarlanaraq xilas edilmişdir.

Təlim təkrar təkanlar səbəbindən Bakı Ali Neft Məktəbinin inzibati və yardımçı binalarının işıq, qaz və su təminatı şəbəkələrində baş vermiş yanğınla müşahidə olunan partlayış zamanı yanğının söndürülməsi və yaralının, həmçinin, hündürmərtəbəli binada təhlükədə qalmış insanların alpinist avadanlıqları və hava yastığının köməyi ilə xilas edilməsi ilə başa çatmışdır.

Digər məlumatlar

FHN-in Akademiyasında məzun buraxılışı və “Bilik günü” münasibətilə tədbir keçirilmişdir

Azərbaycan Respublikasının Fövqəladə Hallar Nazirliyinin Akademiyasında 17 sentyabr 2018-ci il tarixində məzun buraxılışı və “Bilik günü”nə həsr olunmuş tədbir keçirilmişdir. ...

Ardını oxu

FHN-in Akademiyasında andiçmə mərasimi keçirilmişdir

Fövqəladə Hallar Nazirliyinin Akademiyasında 14 sentyabr 2018-cı il tarixində ilkin hərbi hazırlığı başa vurmuş kursantların təntənəli andiçmə mərasimi keçirilmişdir. ...

Ardını oxu

Fövqəladə hallar naziri Kəmaləddin Heydərov İsrail Dövlətinin müdafiə naziri Aviqdor Libermanla görüşmüşdür

Azərbaycan Respublikasının fövqəladə hallar naziri general-polkovnik Kəmaləddin Heydərov 13 sentyabr 2018-ci il tarixində İsrail Dövlətinin müdafiə naziri Aviqdor Libermanın başçılıq etdiyi nümayəndə heyəti ilə görüşmüşdür....

Ardını oxu