Geri

“Azərbaycan Respublikasında radiasiya təhlükəsizliyi infrastrukturunun gücləndirilməsi və dəstəkləyici xidmətlərin inkişafı” layihəsinin yekunlarına dair toplantı keçirilmişdir

Azərbaycan  Respublikası Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyinin Litva Respublikasının Radiasiya Təhlükəsizliyi Mərkəzi və  Layihələrin İdarə olunması Agentliyi ilə birlikdə həyata keçirdiyi “Azərbaycan Respublikasında radiasiya təhlükəsizliyi infrastrukturunun gücləndirilməsi və dəstəkləyici xidmətlərin inkişafı” layihəsinin yekunlarına dair toplantı keçirilmişdir.

Tədbirdə fövqəladə hallar nazirinin müavini tibb xidməti general-leytenantı Faiq Tağı-zadə layihənin həyata keçirilməsi prosesi və yekunlarından ətraflı bəhs etmişdir.

Avropa İttifaqının nümayəndəsi Yurgen Uilyams bildirmişdir ki, bu sahədə Azərbaycanda dövlət agentliyinin yaradılması təqdirəlayiqdir. O, demişdir ki, “mən çox şadam ki, bu “Tvinning” layihəsi Azərbaycanda kifayət qədər qiymətləndirilib. İndiyə kimi Avropa İttifaqı Azərbaycanda 30 layihə reallaşdırıb və ümidvaram ki, layihənin icrasında ekspert kimi çıxış edən Litva ilə Azərbaycan arasında əməkdaşlıq davam etdiriləcəkdir."

Litvanın Azərbaycandakı səfiri Valdas Lastauskas da layihənin nəticələrini yüksək qiymətləndirmiş, faydalı əməkdaşlığa görə Azərbaycan tərəfinə təşəkkürünü bildirmişdir. O, Azərbaycan hökumətinin bu sahədə həyata keçirilən layihələrə böyük dəstək verdiyini də bildirmişdir. Səfir demişdir ki, Litva radiasiya təhlükəsizliyi sahəsində Azərbaycanla əməkdaşlığı davam etdirməyə və genişləndirməyə hazırdır.

Layihənin nəticələri barədə danışan Litva Radiasiya Təhlükəsizliyi Mərkəzinin direktoru Albinas Mastauskas qeyd etmişdir ki, layihə Azərbaycanda nüvə və radiasiya təhlükəsizliyinin inkişafına mühüm töhfə olmuşdur. Azərbaycanın nüvə və radiasiya təhlükəsizliyi sahəsində qanunvericiliyi Avropa İttifaqının qanunvericiliyinə uyğunlaşdırılmış, nüvə və radiasiya təhlükəsizliyi üzrə dövlət proqramının layihəsi hazırlanmışdır. Bu çərçivədə, həmçinin, FHN-in ehtiyacları üçün radioloji laboratoriyaların imkanlarının gücləndirilməsi də vacib məsələlərdəndir.

Azərbaycan Respublikası Fövqəladə Hallar Nazirliyi Nüvə və Radioloji Fəaliyyətin Tənzimlənməsi üzrə Dövlət Agentliyinin rəis əvəzi Vüqar Hüseynov da çıxış edərək layihənin Azərbaycan üçün əhəmiyyətini qeyd etmişdir. O, bildirmişdir ki, layihə çərçivəsində yüksək nəticələrə nail olunmuşdur.

Toplantı çərçivəsində əməkdaşlığın perspektivlərinə dair müzakirələr də aparılmışdır.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu