Geri

Fransanın Bakıdakı səfirliyinin inzibati binasında taktiki-xüsusi təlim keçirilmişdir (Video)

14 fevral 2014-cü il tarixində saat 15:15-də  Fransa Respublikasının  Azərbaycan Respublikasındakı  səfirliyinin  Bakı şəhərinin  Səbail rayonu Rəsul Rza küçəsi, 7 ünvanında yerləşən inzibati binasında Fövqəladə Hallar Nazirliyinin qurumlarının iştirakı ilə taktiki - xüsusi təlim keçirilmişdir.

Təlimin keçirilməsində  əsas məqsəd Fransa  səfirliyinin  yanğın zamanı fəaliyyət planının reallığının yoxlanılması, səfirlik əməkdaşlarına yanğın hadisəsi zamanı fəaliyyət üzrə əməli vərdişlərin aşılanması, Fövqəladə Hallar Nazirliyinin xilasetmə və yanğınsöndürmə bölmələrinin şəxsi heyətinin səfirliyin ərazisində baş verə biləcək fövqəladə hadisələrə çevik reaksiya verilməsi sahəsində peşəkarlıqlarının daha da artırılmasından ibarət olmuşdur.

İki mərhələdə keçirilən   təlimin birinci mərhələsi  ssenariyə uyğun olaraq Fransanın Azərbaycandakı səfirliyinin inzibati binasında şərti  yanğın baş verməsi barədə Fövqəladə Hallar Nazirliyinin “112”  xidmətinə məlumatın daxil olması ilə başlamışdır.

Məlumat əsasında Nazirliyin Baş əməliyyat idarəsinin, Dövlət Yanğından Mühafizə Xidmətinin, Xüsusi Riskli Xilasetmə Xidmətinin, Tibb Xidmətinin və Dövlət Yanğın Nəzarəti Xidmətinin qüvvələri şərti hadisə yerinə cəlb olunmuşdur.

Hadisə yerinə cəlb olunmuş qüvvə və vasitələrin operativ idarə olunması məqsədilə ərazidə nazirliyin əməliyyat qərargahı açılmışdır.       

Yaranmış vəziyyətin qiymətləndirilməsi məqsədi ilə, Nazirliyin  şərti hadisə yerinə ilk növbədə daxil olan motoxilasedici qrupu tərəfindən kəşfiyyat tədbirləri həyata keçirilmiş, kəşfiyyat tədbirləri zamanı aşkar olunan zərərçəkmiş insanlara ilkin tibbi yardım göstərilmiş, Nazirliyin  “112”  xidməti və hadisə yerinə cəlb olunan bölmələrin rəhbərləri əməliyyat şəraiti barədə məlumatlandırılmışdır.

Nazirliyin motoxilasedici qrupunun ardınca əraziyə daxil olan yanğınsöndürmə, xilasetmə və ilkin həkim yardımı bölmələri birgə fəaliyyətdə insanların xilas olunması, xəsarət alanlara ilkin həkim yardımı göstərilməklə tibb müəssisələrinə təxliyəsi və yanğının söndürülməsi üzrə tədbirlərin yerinə yetirilməsini nümayiş etdirmişlər.

Taktiki-xüsusi təlimin  II mərhələsi  şərti olaraq baş vermiş hadisənin nəticələrinin aradan qaldırılması, yanğın təhlükəsizliyi və təlimlə bağlı müzakirələrin aparılması ilə başa çatmışdır. Fransa Respublikasının Azərbaycan Respublikasındakı fövqəladə və səlahiyyətli səfiri cənab Paskal Mönye təlimin  keçirilməsi ilə bağlı minnətdarlığını bildirmişdir.

Təlim zamanı qarşıya qoyulmuş  məqsədlərə nail olunmuşdur.

Digər məlumatlar

Fövqəladə Hallar Nazirliyinin mətbuat xidmətinin məlumatı

Avqustun 10-da axşam saatlarından başlayaraq avqustun 11-də səhər saatlarınadək Respublikanın bəzi şimal-qərb rayonlarında fasilələrlə yağan leysan xarakterli yağışlar nəticəsində Zaqatala və Balakən rayonlarında bəzi ərazilərin subasmaya məruz qalması ilə əlaqədar Fövqəladə Hallar Nazirliyi tərəfindən Rayon İcra Hakimiyyətlərinin iştirakı ilə təxirəsalınmaz tədbirlər həyata keçirilmişdir......

Ardını oxu

Fövqəladə Hallar Nazirliyində Bakı şəhərinin Baş Planı ilə bağlı müzakirələr aparılmışdır

Azərbaycan Respublikasının Fövqəladə Hallar Nazirliyində Bakı şəhərinin Baş Planının müzakirəsi məqsədilə görüş keçirilmişdir. Görüşdə fövqəladə hallar nazirinin müavinləri  - tibb xidməti general-leytenantı Faiq Tağı-zadə,  general-leytenant Ragim Lətifov, Orucəli Hacıyev, Azərbaycan Respublikasının Dövlət Şəhərsalma və Arxitektura Komitəsi Aparatının rəhbəri Anar Quliyev, "The Boston Consulting Group" şirkətinin ekspertləri......

Ardını oxu

“TENİZ-2018” beynəlxalq kompleks təlimi başa çatmışdır (VIDEO)

Xəbər verdiyimiz kimi, Qazaxıstan Respublikasının Mangistau vilayətində start götürən və 2 gün davam edən “TENİZ-2018” beynəlxalq kompleks təlimi avqustun 3-də  sona çatmışdır ...

Ardını oxu