Geri

FHN və UNİCEF-in “Fəlakət riskinin təhlilinə dair yekun hesabat”ının təqdimatı olmuşdur

26 noyabr 2014-cü il tarixində Fövqəladə Hallar Nazirliyi (FHN) və UNİCEF-in Qəbələ rayonunda birgə həyata keçirdiyi layihə üzrə “Fəlakət riskinin təhlilinə dair yekun hesabat”ın təqdimatı olmuşdur.

Tədbirdə fövqəladə hallar nazirinin müavini Faiq Tağızadə çıxış edərək bildirmişdir ki, 2009-cu il martın 9-da FHN və BMT-nin İnkişaf Proqramı arasında “Böyük Qafqaz regionunda zəif dağ icmaları tərəfindən su və daşqınlar üzrə idarəetməyə iqlim dəyişikliyi riskinin daxil edilməsi” layihəsi imzalanmış və hazırda uğurla icra olunmaqdadır. FHN, Təhsil Nazirliyi və BMT-nin Uşaq Fondunun birgə əməkdaşlığı və Avropa Komissiyasının Humanitar yardım şöbəsinin maliyyə dəstəyi ilə 2010-2011-ci illər ərzində “Riskə məruz qalma ehtimalı olan ərazilərdə fəlakət riskinin azaldılmasına yönəlmiş tədbirlərin dəstəklənməsi” layihəsinin uğurla həyata keçirilməsi əməkdaşlığın bariz nümunəsidir. 2012-ci ilin oktyabr ayında isə FHN, Təhsil Nazirliyi və UNİCEF-in Azərbaycan nümayəndəliyi arasında “Riskə məruz qalma ehtimalları olan ərazilərdə fəlakət riskinin azaldılmasına yönəlmiş tədbirlərin dəstəklənməsi” layihəsinin ikinci mərhələsinin 2012-2013-cü illər üzrə Fəaliyyət Planı imzalanaraq icrasına başlanılmış və layihə uğurla tamamlanmışdır. 

F.Tağızadə qeyd etmişdir ki, məhsuldar əməkdaşlığın davamı olaraq “Azərbaycanda müəssisələrin və icmaların fəlakət riskinə davamlılığının artırılması” layihəsi üzrə 2014-2015-ci illəri əhatə edən Fəaliyyət Planına dair təqdim edilən təklifin Avropa Komissiyası tərəfindən qəbul edilməsi uşaq və yeniyetmələrin fövqəladə hal riskinə hazırlığı sahəsində qarşıya qoyulan hədəflərə nail olmaq sahəsində mühüm hadisədir.  

UNİCEF-in Azərbaycandakı nümayəndəliyinin rəhbəri Andro Şilakadze çıxışında demişdir ki,  birgə layihə Fövqəladə Hallar Nazirliyi, UNİCEF və Qəbələ Rayon İcra Hakimiyyəti arasında əməkdaşlığın məhsuludur. A.Şilakadze bildirmişdir ki, UNİCEF fövqəladə hallarla mübarizə sahəsində Azərbaycana yerli və qlobal səviyyədə dəstək verməyə hazırdır. 

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu