Geri

Zəlzələ bölgəsində qəzalı vəziyyətə düşən daha bir məktəb istifadəyə verilmişdir

1 fevral 2013-cü il tarixində Qax rayonu Zərnə kəndində Fövqəladə Hallar Nazirliyinin sifarişi əsasında inşa edilən 240 şagird yerlik məktəbin açılışı olmuşdur. Açılış mərasimində çıxış edən fövqəladə hallar nazirinin müavini Orucəli Hacıyev məktəbin müasir informasiya texnologiyaları, laboratoriya və digər zəruri texniki avadanlıqlarla təchiz olunduğunu diqqətə çatdırmış, eyni zamanda, zəlzələ zamanı bölgədə tam qəzalı vəziyyətə düşən 37 məktəbdən artıq 30-a qədərinin təhvil verildiyini bildirmişdir.

O. Hacıyev, həmçinin, bölgədə zəlzələlər zamanı fəsadlar əmələ gələn digər evlərə nazirliyin müvafiq komissiyalarının baxış keçirdiyini və yekun rəy üçün sənədlərin hazırlandığını vurğulamış, zəlzələ nəticəsində evlərinə bərpa rəyi verilmiş sakinlərə kompensasiyaların ödənilməsinin davam etdirildiyini bildirmişdir.

Sonra nazir müavini Qax Rayon İcra Hakimiyyətinin rəhbərliyi ilə birgə Zərnə kəndində zəlzələ nəticəsində dağılmış və yenidən inşa edilən mənzillərə baxış keçirmiş, sakinlərin problemləri ilə maraqlanmışdır.

Həmçinin, nazir müavini Zaqatala rayon rəsmiləri ilə zəlzələdən zərər çəkmiş kəndlərdə yerli əhali ilə görüşmüş, onların qayğı və problemləri ilə maraqlanmış, şikayətlərini dinləmiş, kompensasiyaların ödənilməsi vəziyyəti ilə tanış olmuşdur.

Digər məlumatlar

Fövqəladə Hallar Nazirliyi Qurban bayramı günlərində gücləndirilmiş iş rejimində çalışacaq

Qurban bayramı günlərində Fövqəladə Hallar Nazirliyinin qəza-xilasetmə qurumları və regional mərkəzləri gücləndirilmiş iş rejimində işləyəcəkdir....

Ardını oxu

Azərbaycan Respublikasının fövqəladə hallar naziri Kəmaləddin Heydərov Qəbələ şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  24 avqust 2018-ci il tarixində Qəbələ şəhərində, Fövqəladə Hallar Nazirliyinin Şimal-Qərb Regional Mərkəzinin binasında saat 11.00-dan vətəndaşların qəbulu keçiriləcəkdir. ...

Ardını oxu

Fövqəladə Hallar Nazirliyinin mətbuat xidmətinin məlumatı

Avqustun 10-da axşam saatlarından başlayaraq avqustun 11-də səhər saatlarınadək Respublikanın bəzi şimal-qərb rayonlarında fasilələrlə yağan leysan xarakterli yağışlar nəticəsində Zaqatala və Balakən rayonlarında bəzi ərazilərin subasmaya məruz qalması ilə əlaqədar Fövqəladə Hallar Nazirliyi tərəfindən Rayon İcra Hakimiyyətlərinin iştirakı ilə təxirəsalınmaz tədbirlər həyata keçirilmişdir......

Ardını oxu