Geri

"Gənc xilasedici və yanğınsöndürən" yarışlarına yekun vurulmuşdur

İyunun 30-da Fövqəladə Hallar Nazirliyinin təşkilatçılığı, Gənclər və İdman, Təhsil nazirliklərinin dəstəyi ilə respublika məktəbliləri arasında keçirilən "Gənc xilasedici və yanğınsöndürən" yarışlarının final mərhələsinə  yekun vurulmuşdur. Qəbələ şəhərində quraşdırılmış çadır düşərgəsində  yarışın final mərhələsində ölkəmizin müxtəlif bölgələrində keçirilmiş zona yarışlarında ilk iki yeri tutan 19  şəhər və rayonun komandası qalib adı uğrunda mübarizə aparmışdır.

Yarışın keçirilməsində əsas məqsəd yeniyetmə və gənclərin  hərbi vətənpərvərlik tərbiyəsinin və fövqəladə hallara hazırlıq səviyyəsinin yüksəldilməsi, məktəblilərdə şəxsi və ictimai təhlükəsizliyə məsuliyyətli yanaşma hissinin aşılanması və sağlıam həyat tərzinin təbliğidir.

Final mərhələsinin açılış mərasimində fövqəladə hallar naziri, general-polkovnik  Kəmaləddin Heydərov, təhsil naziri Misir Mərdanov və digər çıxış edənlər  yarış iştirakçılarını  salamlamış, gənclərin  fövqəladə hallar zamanı davranış qaydalarına yiyələnmələrinin vacibliyini qeyd etmiş, yeniyetmələrin bir vətəndaş kimi formalaşmasında bu cür yarışların əhəmiyyətindən danışmışlar.

Açılışdan sonra yarışlara start verilmişdir. Komandalar  “Maneələr zolağı”, “Kombinəedilmiş yanğın estafaeti”, “Komandaların təqdimatı”, “Axtarış-xilasetmə işi”, “Suda xilasetmə”, “Yaşam marşrutu”, “Divar qəzeti” və “Hərbi vətənpərvərlik” mövzusunda mahnı müsabiqəsi  üzrə qüvvə və bacarıqlarını nümayiş etdirmişlər.

Maraqlı və gərgin mübarizə şəraitində keçən yarışlarda birinci yeri  Siyəzən,  ikinci  yeri Şuşa , üçüncü yeri isə  İsmayıllı rayonunun komandaları tutmuş, qaliblər  fəxri fərman və  qiymətli hədiyyələrlə mükafatlandırılmışlar.Eyni zamanda  finala vəsiqə qazanmış və müxtəlif mərhələlərdə fərqlənən bütün komandalara fəxri fərman və  hədiyyələr təqdim edilmişdir.

Digər məlumatlar

FHN Mətbuat xidmətinin məlumatı (Video)

Azərbaycan Respublikasının Birinci vitse-prezidenti Mehriban xanım Əliyevanın tapşırığı ilə Böyük Şor gölündə yaranmış ekoloji problemin aradan qaldırılması istiqamətində zəruri tədbirlərin görülməsinə başlanılıb. ...

Ardını oxu

FHN Akademiyasına sənəd qəbulu 8-19 iyul 2020-ci il tarixlərində məsafədən davam etdiriləcək

Fövqəladə Hallar Nazirliyinin Akademiyasına qəbul olmaq istəyən namizədlər aşağıda qeyd olunan sənədləri pdf formatında 8-19 iyul 2020-ci il tarixlərində sqk@fhn.gov.az elektron ünvanına göndərməklə namizəd kimi qeydə alınacaqlar......

Ardını oxu

Koronaviruslu xəstələrin müalicəsi üçün Bakının Xətai rayonunda modul tipli hospitalın açılışı olub
Prezident İlham Əliyev və birinci xanım Mehriban Əliyeva açılışda iştirak ediblər

İyulun 6-da Azərbaycan Respublikasının Prezidenti İlham Əliyev və birinci xanım Mehriban Əliyeva Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının açılışında iştirak ediblər....

Ardını oxu