Geri

Fövqəladə hallar naziri Kəmaləddin Heydərov sürüşmə bölgəsində olmuşdur

Martın 29-da Azərbaycan Respublikasının Prezidenti cənab İlham Əliyevin tapşırığına əsasən fövqəladə hallar naziri general-polkovnik Kəmaləddin Heydərov Şamaxı rayonunun sürüşmə baş verən Muğanlı kəndində olmuşdur. Sürüşmə zonasına baxış keçirən nazir qəzaya düşmüş ərazi və evlərlə tanış olmuş, orada araşdırmalar aparan Ekologiya və Təbii Sərvətlər Nazirliyi, Fövqəladə Hallar Nazirliyinin mütəxəssisləri və yerli icra hakimiyyəti orqanları rəhbərləri ilə müşavirə keçirilmişdir. Müşavirədə qərara alınmışdır ki, kəndin aktiv sürüşmə zonasında yerləşən uçmuş və qəzalı vəziyyətə düşmüş 70 evin köçürülməsi zərurəti yaranmışdır. Kəndin bütün ərazisində müvafiq geoloji tədqiqatın aparılması barədə tapşırıq verilmişdir. Qəzalı vəziyyətə düşmüş evlərin tikintisi üçün kənd sakinlərinin arzuları nəzərə alınaraq müvafiq sahə seçilmiş və orada qisa müddətdə qeoloji tədqiqatların aparılması və layihələndirilmə işlərinin başlanması üçün müvafiq tapşırıqlar verilmişdir.

Kənd sakinləri ilə görüşən Kəmaləddin Heydərov onlara bildirmişdir ki, ölkə başçısının tapşırığına əsasən onlar yeni evlər, məktəb, tibb məntəqəsi və digər sosial obyektlərlə təmin olunacaqlar.

Fövqəladə hallar naziri belə bir məqama da toxunmuşdur ki, müvafiq qurumların nümayəndələri Ağsu aşırımına baxış keçirirlər və bu gün Ağsu aşırımının yalnız minik avtomobillərinin hərəkəti üçün açılmasına icazə veriləcəkdir.

Digər məlumatlar

FHN Mətbuat xidmətinin məlumatı (Video)

Azərbaycan Respublikasının Birinci vitse-prezidenti Mehriban xanım Əliyevanın tapşırığı ilə Böyük Şor gölündə yaranmış ekoloji problemin aradan qaldırılması istiqamətində zəruri tədbirlərin görülməsinə başlanılıb. ...

Ardını oxu

FHN Akademiyasına sənəd qəbulu 8-19 iyul 2020-ci il tarixlərində məsafədən davam etdiriləcək

Fövqəladə Hallar Nazirliyinin Akademiyasına qəbul olmaq istəyən namizədlər aşağıda qeyd olunan sənədləri pdf formatında 8-19 iyul 2020-ci il tarixlərində sqk@fhn.gov.az elektron ünvanına göndərməklə namizəd kimi qeydə alınacaqlar......

Ardını oxu

Koronaviruslu xəstələrin müalicəsi üçün Bakının Xətai rayonunda modul tipli hospitalın açılışı olub
Prezident İlham Əliyev və birinci xanım Mehriban Əliyeva açılışda iştirak ediblər

İyulun 6-da Azərbaycan Respublikasının Prezidenti İlham Əliyev və birinci xanım Mehriban Əliyeva Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının açılışında iştirak ediblər....

Ardını oxu